尋日魚旦舅父兩公婆黎搵我地, 妹妹又收到禮物0刺, 不過太大對, 要等大個d先著到0刺…
Toy Story raingear….
尋晚開左出黎比妹妹睇, 佢嘩嘩聲, 似乎好鍾意喎! 我教佢講巴斯光年, 佢一野就講到0刺, 好叻呀, 媽媽比100個叻你呀!!!
跟住我地大家一齊去左冒險樂園玩, 又行左一陣, 妹妹响商場走黎走去, 最終一返到屋企即刻訓著, 0個陣係5:20, 但我地約左思契契6:15响大埔火車站喎, 弊0刺, 嘈醒佢唔知會有咩後果…..
我同爸爸响呢個鐘頭裡面做好哂家務, 咁夜晚返黎就唔駛咁辛苦啦!!
到5:55, 我幫妹妹換條片, 妹妹比人整醒, 好唔開心, 响度喊, 我抱起佢佢又訓左lu…. 咁我地就比佢訓住咁出門口, 我都明0既, 佢應該係好攰架….
去到大學等van仔時妹妹先醒, 都係契契叫醒佢咋, 如果唔係呢, d風吹下吹下不知幾好訓….
去到思0既同事屋企 – 銀湖天峯, 好靚喎, 豪宅真係唔同d, 唔明點解賣到咁貴但租又咁平呢….. 個playroom都幾大, 妹妹玩到唔捨得走呀, 係時候食mum mum, 每次我地行先話要走時, 妹妹都上前拖返我地返去坐响d玩具堆度話”玩咯喎!!”, 好攪笑, 妹妹真係好貪玩, 如是者好多次之後妹妹先肯跟我地走….
Bbq個area都好正呀, 設備完善, 有得洗手, 有雪柜, 用夾燒, 雖然天氣咁熱, 但可能近海, 涼風浸浸, 燒野食都唔覺熱呀 (不過可能我冇負責燒過啦…)
妹妹食左好多腸仔, 可能飽飽地又叫爸爸同佢去playroom玩, 到人地話close佢先肯走呀…. 不過佢又識聽喎, 我係咁叫佢走佢都唔掣, 但0個個人一話playroom要close佢就肯走0刺…. 不過佢又以為又去mum mum囉, 好得意, 逢親响playroom走就係mum mum囉….
今次我地見到屁屁同boy boy, 屁屁好叻, 食好多野, 自己渣住條青椒响度食, 佢真係好重手呀!! Boy boy依然怕羞, 男仔可能遲熟d啦….
沒有留言:
張貼留言