聽力測試成功!

今日攞左半日假去養和覆診，不經不覺已經做完Lasik三個月喇，醫生話我傷口復完得好好，驗出黎度數同上次一樣，左眼0度，右眼25近視+50度散光，都同預計想要的差不多，暫時都好滿意呀!

再趕返去同妹妹去九龍灣健康中心覆診，上次學童保健嘅聽力檢查唔pass，攪到大家都好擔心... 不過妹妹就好肯定咁話自己耳仔冇事，佢聲稱有一下聽到嘅聲音比較細，所以佢冇㩒掣! 其實我都對妹妹有信心呀！因為平時我並唔覺得妹妹有任何聽唔到野嘅徵狀，所以醫生比0既OLIVE OIL我地都唔係成日有滴... 果然，今次好成功，全部pass!



成5點幾先有時間食lunch，個人感覺已經暈暈地, 真係好後悔早餐唔食飽啲呀！食左個mcdonald餐，估唔到，妹妹嘅自制能力又好左，佢只係食左6條薯條咋，贊!

返到屋企，6299突然換衫出去自己撐枱腳，好啦… 咁我都可以同妹妹二人世界! 煮左世界上最簡單而又係妹妹最鍾意嘅飯 - 紫菜蒸蛋飯，妹妹又成大碗飯食哂喇!