FROZEN 3D魔幻館

多謝同事送的一張兒童票, 今日我只買一張成人票就可以入去MEGA BOX0既FROZEN 3D魔幻館影相0刺...

呢個3D館由暑假做到9月尾, 而家已經係尾聲喇...

30個佈景, 唔駛一個鐘就影哂...

有啲都幾靚架!

我幾鍾意呢張, 所以自己都影返張... HEHE...

今日發生左件小插曲, 原本我地約左表弟仔同婆婆响MEGA BOX LUNCH, 點知表弟臨出門口訓左, 而婆婆出門口之後就一直音訉全無, 電話又打唔通, 好担心呀.. 我地响MEGA BOX搵唔到佢, 原來佢電話壞左, 佢响MEGA BOX周圍行都搵唔到我地... 最終佢自己返左屋企, 我地最後要响屋企附近再約...

愛上shopkins

妹妹周不時都會响youtube睇人拆蛋, 自己買左出奇蛋都會學人拍片架...

不過我就冇放上youtube, 因為拍得太屎0刺... 哈哈...

睇拆蛋時, 妹妹鍾意左shopkins...

响toys 'r us買過d細細粒公仔, 妹妹好鍾意...

今日同事仲送左一盒大shopkins比妹妹添, 真係超開心呀!

為了ELSA去DISNEYLAND

其實我真係唔鍾意去迪士尼...

但妹妹為左ELSA, 而我又為左妹妹開心...

今日35度大熱天時都舉家去左迪士尼...

連岩岩做完手術0既嫲嫲, 行唔到都黎....

都未入到門口, 已經全身濕透0刺...

入到門口行左兩度, 噴水風扇買一送一, 198蚊, 好貴呀! 但妹妹堅持買, 嫲嫲又買, 唉... 比我係唔會買架....

GOOD, 有我喜0既INSIDE OUT...

妹妺喜歡剌激, 完左5次灰熊山谷, 仲要坐第一...

好熱, 真係好熱....

職員話我地知排FROZEN要三個幾鐘, 一場黎到, 點都要排啦...

但惹來兩位老人家你一句我一句, 老實講, 真的好煩... 我唯有提議佢地唔鍾意排就自己去第二度玩先啦... 終於先停到D聲音...

好彩堅持, 我地排左個半鐘就入到0刺....

當然, 因為今日冇乜香港人, 周圍就成日聽到D鬧人打尖0既聲音...

有冷氣, 好舒服!

首先睇場表演先...

呢個係ANNA...

CHRISTOPHE幾靚仔喎!

ELSA都出埋黎... 

出到黎, 排隊玩雪撬, 妹妹好幸運地玩左兩次...

同馴鹿影張相...

仲有雪玩...

攰了... 食野先....

睇埋PARADE同煙花 (又買左嗰支唔好玩0既筆同手套, 屋企又多兩件野0刺), 好攰好攰.. 終於都可以返屋企0刺...

聽力測試成功!

今日攞左半日假去養和覆診，不經不覺已經做完Lasik三個月喇，醫生話我傷口復完得好好，驗出黎度數同上次一樣，左眼0度，右眼25近視+50度散光，都同預計想要的差不多，暫時都好滿意呀!

再趕返去同妹妹去九龍灣健康中心覆診，上次學童保健嘅聽力檢查唔pass，攪到大家都好擔心... 不過妹妹就好肯定咁話自己耳仔冇事，佢聲稱有一下聽到嘅聲音比較細，所以佢冇㩒掣! 其實我都對妹妹有信心呀！因為平時我並唔覺得妹妹有任何聽唔到野嘅徵狀，所以醫生比0既OLIVE OIL我地都唔係成日有滴... 果然，今次好成功，全部pass!



成5點幾先有時間食lunch，個人感覺已經暈暈地, 真係好後悔早餐唔食飽啲呀！食左個mcdonald餐，估唔到，妹妹嘅自制能力又好左，佢只係食左6條薯條咋，贊!

返到屋企，6299突然換衫出去自己撐枱腳，好啦… 咁我都可以同妹妹二人世界! 煮左世界上最簡單而又係妹妹最鍾意嘅飯 - 紫菜蒸蛋飯，妹妹又成大碗飯食哂喇!

小公主七歲生日

眨下眼，我嘅小公主已經七歲喇! 好感恩呢七年黎都無風無浪，小公主可以快樂健康成長!

升左一年級後，少左好多私人時間，所以甚少update blog.. 呢一刻我又黎雄心壯志喇! 希望可以多啲update返同小公主嘅開心時刻，得閒可以睇返回味下，等佢大個啲亦可以睇返!

生日當天，學校會派一張小食卷比壽星仔/女，可以响小息去小食部免費換領燒賣/蘿蔔糕/魚旦一份，仲唔駛排隊添! 舊年學校張小食卷嘅日子印錯左星期六，妹妹唔敢同老師争取返，今年終於可以攞到喇! 恭喜恭喜!

答應左今日正日生日接放學，仲會去反斗城買份shopkin小禮物比佢！ 爸爸亦交帶我買份小禮物！話到明小禮物，我諗價錢係大約50蚊吧，可惜，原來要响反斗城買50蚊嘅野並唔多選擇，行下行下，竟然比佢見到想要好耐嘅Elsa噴雪器同光之美少女嘅粉盒喎，呢位小公主即刻將50蚊嘅事拋諸腦後，哈哈！不過當二選一嘅時候，佢會睇下邊樣平啲就買邊樣，都有進步呀！



返到屋企做埋啲功課，就準備去食晚餐慶祝，妹妹著左舊年嘅飲衫Elsa公主裙，加埋我襯嘅頭cool, 幾靚呀！



點知落到樓下，妹妹突然諗起之前明明plan左今晚會戴皇冠，oh no! 貪靚鬼一定要上去換返，仲攪到差啲喊左出黎!



去左妹妹嘅飛佛Kitchen J, 其實我就已經食到厭，但妹妹仍然好鍾情佢地嘅蜜糖芝士pizza!

最後仲有姑姨婆嘅蛋糕，清清地好好味呀！

多元智能中秋夜

今晚放工好忙呀.. 要攞野比阿姨, 跟住去醫院探剛生左囡囡0既PHOEBE, 再趕返學校參加中秋晚會... 

節目由6:30開始, 好彩爺爺帶妹妹去先, 學校裡面人山人海, 樣樣遊戲都要排隊架...

當我去到時, 妹妹已經同CANDICE一齊玩左幾個遊戲0刺!

學校呢個活動攪得好好呀, 小朋友玩得好開心, 每玩完一個遊戲就有蓋印, 蓋齊8個仲可以換奬品, 好滿足! 晚會原本應該9點完, 但見好多小朋友(包括我地0既小朋友)都玩到唔願走呀! 哈哈!

三位同學仔黎張合照先!

門口附近0既角落仲有中秋主題0既佈景板比小朋友影相呀!

今日買左新書喇!

學校好好，每年都係開左學先安排我地買書，等我地唔駛放緊暑假都緊張地預習..

今日落大雨，好彩爺爺攞左架車仔去載啲書返黎，啲書好安全呀，一啲都冇濕呀！不過今年書商比較混亂，個個都有欠書，但有啲又冇欠書單喎，好彩而家有whatsapp，家長們可以互相問下..

聽日放假決定响屋企包書!