Birthday buffet @ Yamm

已經好多年冇食過YAMM BUFFET, 記得質素唔錯, 又多選擇, 所以今次我都有啲期待呀...

呢個係泰式酸辣汁帶子, 特別之處係下面有個青檸梳打冰, 比你食完辣清新下, 都幾得意...

呢個係三文魚湯, 係WAITER逐枱派0既, 味道都OK...

YAMM繼續KEEP住多款式, 每一次會配合三隻蠔, 第一次攞0既好鮮甜, 奇怪第二次全部都冇味, 係咪因為我食左第二D野影响左味覺呢???

青口同三文魚都唔錯, 龍蝦冇味, 海胆有胆味, 我呢兩樣野都攞左兩次, 當比個機會佢啦, 但兩次味道都一樣, NO GOOD...

熟食方面有D都唔錯0既, 鵝肝, 羊架, MUSSEL, 盲糟同燒牛肉, 唔錯, 但盲糟同燒牛肉都係配合0既, 仲要切到支離破碎, 賣相差左好多呀...

今晚係慶祝我生日, 餐廳送每人一杯香檳, 呢杯香檳係我生平中最冇味0既香檳, 哈哈...

聽聞如果預早通知餐廰, 餐廳會送生日蛋糕一個架...

甜品時間: 未食甜品時覺得好似好多款咁, 但都真係要揀時原來又冇乜特別吸引, 下面幾款當中都冇特別可以推介的...

總括而言, 要$678 + 10%食呢個質素真係唔多抵, 朋友一致認為上次La Table仲好味呀!

第五十一屆學校舞蹈節

緊張左好耐0既跳舞比賽終於到0刺, 除爸爸外, 我地一家人專登遠赴屯門捧妹妹場, 妹妹加油呀!!

 

雖然老師之前已經話我知今次唔會有好成績, 因為我地全部都係一至四年級小朋友, 仲要小一生特別多, 但參加左個高級組, 同其他五六年級比賽, 預計成績都唔會理想... 不過老師話妹妹係好用心咁跳, 淨係聽到呢句我已經好滿足0刺, 呢個係一個好好0既經驗, 有冇獎係其次!

 

我攞左半日假, 準時走都怕趕唔切呀... 淨係港鐵到屯門車程就要一個鐘, 仲要搵路, 食飯, 好彩2:40就到屯門大會堂...

 

等埋老爺奶奶就入場0刺...

 

大會規定唔可以攝錄, 手提電話要關, 所以一張相都影唔到...

 

睇左四間學校0既精彩演出之後, 終於到我地0既"草原小騎手"0刺!!

 

唔知D小朋友緊唔緊張呢? 我就好緊張0刺, 好似自己有份演出咁, 哈哈!

 

基本上, 我只FOCUS响自己個女度, 估唔到, 妹妹又跳得幾好喎!

 

表演完我地就即刻去後台出面等妹妹, 原來妹妹跳舞時見到我同媽咪呀, 哈哈!

 

影完團體相, 到我影返D單人照先...



 

以為可以早早地返屋企, 點知返到屋企都已經6點幾, 屯門呢個地方真係好遠呀!

 

跟住去左老爺想試好耐0既雞煲皇食晚飯, 呢度真係又平又好味喎, 下次可以再食呀...

 

小學同學聚會@黃埔冒險樂園

今次聚會主要係因為同學仔ISABELLA要返英國,  幾個同學仔約出黎玩下, 妹妹好期待今次聚會, 連我原本安排0既歷奇王國都放棄呀...

 

冒險樂園下午1點前可以$120任玩機動遊戲同波波池, 又幾抵喎, 我地大約10點半到達, 都有兩個半鐘任玩...

 

總共有5個同學仔, 响波波池玩到12點, 佢地終於肯出去玩其他野0刺, 哈哈...

 

跳樓機, 總共玩左6次...

 



 

小火車...

 



 

小一第二次考試成績 - 好失望呀~~

2015年1月23日

 

 

因為有左第一次考試算唔錯0既成績, 我地對今次考試都幾有信心, 雖然預左可能會有D退步但應該不會太誇張吧... 加上妹妹好有信心一定可以攞到好成績禮物(條件係中英數常都有90分以上), 我更加放心左D...

 

星期三派卷當日, 妹妹打電話比我, 通知我數學有184分, 妹妺學校中英數都係200分滿分, 咁即係有92分, OK喎!

 

但原來其他科都冇90分喎, 妹妹响一粥面下午茶緊, 一路喊一路打左好多次電話黎, 叫我照買禮物比佢, 唉, 其實呢份禮物我己經買左成個月0刺, 我都好想可以送比佢, 只可惜.... 我只好同妹妹講叫佢等我返屋企先, 望一望份卷, 如果係因為老師出得深我先再考慮... 不過妹妹繼續打黎, 希望我應承買比佢呀, 我好叻, 竟然冇心軟, 哈哈...

 

其實公司0既野都未做哂, 但我都趕返屋企, 返到屋企之後, 妹妹冇再講禮物0既事0刺, 因為.... 佢自己都知道我睇完D卷實唔會買比佢, 哈哈~~

 

好心痛~~ 一路睇D卷, 其實我真係想喊出黎, 明明係識0既, 但烏龍百出, 有D睇唔到老師比佢揀0既字, 亂作一通, 有D直頭係調轉黎做, 睇得出佢係識0既, 但呢D錯處令佢每PART被扣大部分分數...

 

好暈好暈~~ 明明妹妹英文同常識都有9字頭, 但而家因為不小心變成8字頭, 心痛到不得了呀~~~

 

尋日忍唔住搵左班主任, 好彩班主任覺得妹妹係識0既, 佢話妹妹上堂都一樣咁專心, 答問題都好叻0既, 今次成績係差得嚇死人, 但呢D錯處都係經驗, 下次就唔會錯... 佢話小一學生成績好似過山車咁一D都唔出奇, 只要小朋友考試緊張少少, 發下夢, 成績差二三十名一D都唔出奇... 聽完老師咁講, 我個心都定少少, 幸好今次失敗出現响第二次考試, 我地仲有得努力追返0既...

 

仲有, 聖誕假亦係一個因素, 原來放左十幾日假, 返學之後成個星期D小朋友都係咩都唔記得哂, 跟住就考試0刺, 所以大家成績都比上次差... 唉, 等我仲將每一日假期填滿, 希望妹妹有個開心0既聖誕假, 大錯特錯呀! 我下次唔敢0刺~~

John & Jill's cheesecake

登登登登!! 呢個就係傳說中嘅梁九記cheesecake喇! 多得住大埔嘅Miki幫我買，終於都試到!!!

上次Miki帶左個檸檬藍莓味返公司，請左一件比我食，味道不太甜，好好味! 今次佢幫我買左粒粒果仁味，原來係Oreo餅底，超正!



一個有二十件，放响冰箱可以慢慢食!

下次要試下朱古力味先!!

考試期間的節目

話咁快又到左期考嘅時間，上星期已考英文同中文，都叫做鬆左一半...

因為第一次考試成績不錯，比我預期中好，令今次考試更大壓力... 點知呢排又撞岩聖誕，新年，我生日，節目多多，令溫書進度緩慢...

尋晚(考試期間)，仲要出去食生日飯同聽演唱會，好過份啊，星期六日主力溫好常識，常識科有好多詞語要溫，要溫到好熟先可以去架!

晚飯係同我屋企人食，因為細佬時間比較難就，所以我冇反對考試期間呢個飯局呀！😝

選址UCC, 原因係有好多野岩以信食，妹妹都揀左個兒童餐!



切旦糕時間，好開心呀，因為呢個蛋糕好好味! Le Salon De The de joel Robuchon 嘅chocolate truffle, 入面有原粒榛子，好好味!!!!



餐飯只食左個半鐘，我同妹妹趕住去睇G.E.M. XXX Live 香港站 Part 2, 其實呢兩張飛係B仔送比我地兩公婆去睇，不過比妹妹霸左😝

阿GEM演唱會票價好貴，睇黎係諗住比強國人睇多啲喎，我地身邊全部都係強國人，感覺好似去左強國咁呀！



898蚊或以上觀眾都有太空手帶，但大會完場後會收返條手帶，只有vip觀眾先可以拎走。





開場喇，阿GEM唱歌真係勁，好好聽，不過多數都係普通話歌，妹妹聽到十點幾開始覺得悶。 好彩後尾嗰part坐下面嘅觀眾企哂起身，妹妹都變得high左，un得好勁呀，haha....

今朝特登早啲起身考下妹妹，好彩佢仲記得哂常識科嘅野，真係鬆一口氣呀！

生日飯@醬缸韓國料理

想試好耐的餐廳，今年生日飯終於試到喇~~

11月中打去，醬缸電話好難打，我都係趁佢地岩岩開舖先打得到咋! 店員話星期五冇得book位，平日就已經book到1/21，好誇張! 佢叫我book定蟹，因為唔book係冇得食架! 5點半到就穩陣有位! 但我5點半先放工喎，點可能5點半到呢？

終於我地趕頭趕命，大約6:05到，門外已經有條隊，不過好多都係未人齊嘅，包括我地，仲有三個人未到，否則可以即刻入去! Oh no... 呢輪入唔到，肯定有排等喇...



奶奶佢地6:40先到，好彩門外有啲位可以比奶奶同妹妹坐住等，妹妹仲訓左添... 最後等到7:25，足足企左一個鐘零三個字，終於有位喇!

醬油蟹一碟有兩隻，每碟$258，我地四個大人每人一隻，好多膏，加埋紫菜飯幾好味呀！啲肉好似啫喱，好得意! 不過又好似冇食評啲人講到咁一試難忘喎！



另外再叫左個王小排比妹妹，可惜佢食紫菜飯已經食飽左，一舊都冇試過!



另一個為妹妹而設嘅係海鮮芝士年糕，特別要求唔要辣，好多芝士，海鮮都算多，味道唔錯但想像到如果正常有少少辣味會再好食好多。



原本諗住食完唔夠先再order其他食物，點知我食完蟹同兩件王小排已經好飽，想試嘅生醃蝦要留返下次先再試喇...

早到的蛋糕

今日放工返到屋企，老公拎左個紙盒比我，望住個紙盒，過左兩秒先識睇下上面嘅字，見到係Baby Mon Cher, 但有少少不敢相信，原來佢千里迢迢去左sogo買堂島卷比我。



跟住喇叭咀妹妹仲爆响口話雪櫃仲有生日蛋糕，仲叫我估係咩公仔添...

雖然就黎食飯，但老公堅持要我試一件先...

朱古力味嘅堂島卷，味道不太甜，略嫌淡左啲，不過終於試到，都開心呀！



食完飯溫左一個鐘頭書，到切蛋糕時間喇，Hello Kitty蛋糕出場，好靚喎！



個蛋糕樣好靚，味道都幾好，食啲cream就知道唔係cheap野，哈哈!

多謝您幫我預祝生日!

慈善義賣的白蘿蔔

上次學校慈善義賣洛神花，妹妹買唔到覺得好失望，不過嫲嫲就買左一包返黎比佢。

今次學校賣洛神花同白蘿蔔，我地決定買白蘿蔔，30蚊一包，我估計有兩大個，妹妹你攞唔攞到架?

點知返到黎，好好笑，一包白蘿蔔得三小個食得，其他好似手指咁幼，似乎太早收割喎！

聖誕聯歡表演

今日响學校網頁見到妹妹响學校聯歡會表演中國舞嘅相，即刻save低佢！

姿勢都似模似樣呀！

撞傷了

尋日妹妹响playroom度玩撞親隻腳，佢有話比我地知痛，但尋晚見到冇乜大礙，我地不以為意，點知今朝起身，妹妹嗌痛，一望之下，哎呀，腫左加瘀左!





但妹妹堅持去Miss Jenny度上堂，再去淘大換星光寶石....

我地用左50個印花換左一粒pop七色禮服，响黃埔一間精品店見到賣180蚊架!



今日我地冇打機，因為有十幾人排緊隊，其實妹妹似乎鍾意擁有啲寶石多過鍾意打機喎！

2015 New year party with Stafford schoolmate

好期待的party終於到喇，今日我放工即刻返屋企接妹妹同爸爸去Terry家club house BBQ...

Terry媽媽真好，book埋場買埋野食，我地去到就可以有野食喇...

三位小朋友一路食一路傾，好可愛...



食完野出去玩捉衣因，好彩爸爸有去，可以同佢地再，我舒服好多...



佢地之後去playroom玩到7點，我地就走先喇，都係早早地食完飯返屋企溫下書啦...

離開前一張合照...

2014 birthday dinner with sisters

已經幫襯左The Legend Concept好多次，Piann好好人，所有野都安排週到，响佢度食野好舒服。



Happy birthday to me!



不過我今日不在狀態，三個人飲左半支紅酒我已經唔多舒服，返到屋企暈陀陀，又想嘔...

成熟了的妹妹

Elsa書包只用左唔夠一個學期就爛，仲要爛得頗嚴重，所以趁尋日得閒就拉埋妹妹一齊去睇下.... 吉之島好多款，千揀萬揀，妹妹竟然揀左個冇公仔嘅SPI... 妹妹真係大個女喇!