好好味的咖啡弄

知道要食銅鑼灣咖啡弄, 起碼要排一個鐘頭以上, 諗都冇諗過可以食到...

今晚約左RONA食飯, 响OR發現尖沙咀新開左分店喎, 佢地仲係試業中, 一於放工SHARP走去試試啦!

等左半個鐘, 完全係可以接受, 因為响街企左一陣, 就上去餐廳內坐住排, 一路傾一路等, 都好舒適...

我地都唔算晏吖, 但好可惜幾乎所有限量0既食品都賣哂...

仲有... 竟然係每人一定要叫一杯野飲, 佢地D野飲40-50蚊一杯, 同主食, 甜品都差唔多價錢, 仲要大部份都唔岩我飲... OH NO...

我揀左OREO冰沙, 都幾OREO, 幾好味...

注重養生0既RONA叫左薑茶...

主食方面, 叫左總匯三明治, 想不到的好吃, 面包又軟, 入面D雞肉又JUICY, 非常好呀!

PIZZA, 唔記得個名, 都好好味..

 可能飲左OREO0既關係, 飽到三文治都食唔哂, 但甜品又唔可以放棄喎, 點都要叫一款呀!

揀左款冇咁飽肚0既草莓千層派, 不太甜, 好好味!

環境好, 服務態度好, 食物品質好, 再加上令我穫益良多0既朋友, 呢餐真係食得好開心!

好期待下次再幫襯咖啡弄!