妹妹己經咳左超過兩個月…
睇左十幾廿次醫生, 每次有藥水飲就好D, 冇藥水就咳返, 呢幾日夜晚仲咳得嚴重左好多, 我地決定又去搵趙長成…
BOOK左6:15, 等到8:30先有得睇, 趙醫生真係好生意…
趙醫生好好人, 冇架子, 又願意詳細解釋, 最鍾意呢D醫生, 但每次要等兩個幾鐘, 又真係好辛苦…
醫生話妹妹鼻敏感導致鼻炎, 氣管都敏感, 但只要醫好個鼻, 氣管就應該會好返…
要噴鼻, 抗生素, 仲有幾支藥水, 診所個袋差D唔夠裝, 姑娘問要唔要多個袋, 真誇張…
$650, 好貴呀!!!! 不過如果一次搞掂就乜都抵返啦, 之前都睇左幾千蚊醫生了…
希望好似趙醫生咁講, 4日後冇咳就”消失”, HEHE….
食完D藥, 妹妹成晚都冇咳過, 真好, 起碼我都可以安心訓, 唔駛一晚醒N咁多次…
你好啊! 我囡囡最近都係找趙長成醫生睇咳, 啲葯仲同你囡囡嗰啲差不多, 食緊抗生素時就好好多, 清晒啲痰, 但一停左葯又再咳返, 真係好煩呀! 你囡囡是不是睇趙醫生睇好架? 囡囡上星期都睇左第2次了, 今日都仍有咳啊! 繼繼續續咳左幾個月了, 食葯都食到怕, 小朋友食咁多葯真係唔係咁好, 希望囡囡夾到趙醫生啦!
回覆刪除[版主回覆12/04/2012 01:11:59]睇完呢次趙長成, 我有再覆診一次, 之後冇乜太大需要所以冇去0刺, 因為知道左係鼻敏感, 我睇返平時睇開0既醫生話比佢知有鼻敏感, 咁醫生會開D唔同0既藥, 感覺上好好多, 聽聞因為鼻敏感同傷風咳太相似, 好多醫生都會當係傷風咳咁醫喎... 呢排天氣轉, 我個女都咳左差唔多一個星期0刺...