離開PARTY之後, 妹妹突然變身魔童, 嘩… 點呀??
冇落雨, 但堅持要開佢把米奇老鼠遮, 比佢開, 佢就一直發脾氣, 不停話有落雨, 仲煩過個阿婆…
又特登搵把遮篤爸爸, 太過份了…
爸爸放低佢, 佢就叫我抱, 教訓佢一輪, 叫佢同爸爸講對唔住, 堅持左好耐先肯講…
雖然漁人碼頭返屋企路程只係幾分鐘, 但對於一個前一晚飲完酒0既女人黎講, 要抱個三十幾磅0既豬, 真係好吃力…
放低佢, 佢用對腳鉗住, 尷尬死, 又笑死…
入到LIFT都唔肯關遮, 小姐你究竟想點呀??
OK! 你唔關遮, 你入唔到屋, 你自己企响門口啦, 等拐子佬黎拐走你啦!!
終於肯關左把遮….
入到屋, 繼續發脾氣, 但又要痴住…
好嬲! 我一陣就帶你落去買藤條, 你自己揀!
“唔好呀!”, 又要驚喎…
後來大家抖左一陣先冇事, 心情唔好對住呢隻小魔怪真係辛苦…
沒有留言:
張貼留言