開心星期六

今日我同妹妹冇出街, 妹妹好乖呀! 佢話想食芝士漢堡, 我叫左麥麥送, 我同佢講, 佢唔舒服唔好食薯條, 等我同嫲嫲食, 佢真係好聽話, 一條都冇食, 仲叫我同嫲嫲食哂佢, 好乖呀!!!

玩完又自己執玩具, SO GOOD!!

我同大古古傾電話時, 妹妹搵左指甲油出黎話要查, 幫佢查完佢又攞假眼睫毛出黎問我佢大個未, 哈哈, 真係隔幾日就問一問, 好貪靚.... 然後再自己查埋HANDCREAM, 攪掂....

爸爸放工提議去元氣, 每次我地食壽司都坐ORDER枱, 今次想比妹妹試下迴轉自己攞壽司!!

爸爸未夠7點就到, 哈哈哈, 真誇張, 竟然要等百幾個!!!

我地去到時仲有一百個, 爸爸負責等, 我地就去左冒險樂園玩, 然後買衫 (响KIEWS竟然比我買到兩條斷碼裙, TOTAL $100, 抵!!!), 再返元氣都仲有49個, 嘩嘩嘩....

最後9:30先有得食, 妹妹冇乜胃口, 只食左好少咋...

學校的復活節禮物

返多兩日就放復活節假, 妹妹今日帶左份復活節禮物返黎...

係泥膠...

好趕.... 好趕....

尋晚發現妹妹好似有D唔舒服, 鼻水多左, 咳又多左, 每次飲哂D藥水就黎料... 但今次又有少少似感冒...

今朝打去趙長成醫生度, 原來佢地呢兩日都已經FULL左, 好彩最後經過我不斷努力打去問, 有個位比到我, 但要5:45到, 嘩, 咁咪好趕?

真係好多野做, 又要抽時間做ALLOCATION, 做完已經有幾十個E-MAIL又彈左出黎0刺, 唉, 點算? 

5:30衝落樓等的士, 去到醫生度已經過左6點, 好彩前面仲有人等緊...

今次醫生話妹妹個鼻已經冇發炎, 只係敏感咳, 叫我地唔駛担心...

等埋老公一齊食飯, 試左佐敦0既點點心, 都幾FULL, D野食唔錯, 但冇乜驚喜...

再買埋添記三文治返去, 原來除左法式三文治之外, 佢地D蒜茸包都好好味呀!!

唔鍾意返學

3/26

今日嫲嫲12:40打黎, 話妹妹喊哂唔肯返學, 原來呢排佢都係咁, 成日話唔返學…

放學時間搵搵MISS
FUNG, 睇下妹妺响學校有冇咩特別事發生先…

MISS FUNG話妹妹响學校冇野喎, 唔知係咪因為之前响學校寫個E字寫得唔岩比MISS
FUNG鬧所以唔開心呢…

問MISS
FUNG妹妹寫字係咪比較差, 佢話係唔係幾靚, 不過响學校同佢一齊寫時有心機會靚D…

有一次妹妹比同學仔鬧寫得唔靚, MISS FUNG話D小朋友好八卦,寫完就周圍望人地寫成點, 然後又話人寫得唔靚, 又寫錯諸如此類, 真係攪笑,
D小朋友真係好八卦同多管閒事, 妹妹有時返黎都會同我講邊個邊個唔識寫, 哈哈….

佢話妹妹响學校都係比較靜, 好少同佢&
MR. JAMES傾偈,只會同FD 0既同學傾偈…

性格比較慢熱,似足爸爸媽媽喎…

妹妹之前有同我講話唔鍾意返學, 佢0既理由係有好多小朋友逼住, MISS FUNG話可能因為成日排隊時D小朋友都想前D, 所以逼下逼下咁喎…

樓下PLAYGROUND

3/25

原本今日諗住同妹妹去大埔海濱公園玩, 點知,呢個大小姐話好遠唔想去, 淨係落樓下PLAYGROUND玩就得…

糾纏左好耐,妹妹先肯食完LUNCH再去玩, 响條街度, 妹妹想爸爸抱,佢同爸爸講:”我以後都唔會蛤你!!”

返上屋企拎埋D
BUBBLE去, 佢好開心呀, 即刻心情大好…

返到屋企冇耐就扭眼訓, 比佢訓左兩個鐘, 夠訓0既妹妹果然好乖, 把口啷過油, 冧死人了!!

拜山日

媽咪話第一年拜山要早D, 所以我地等唔到媽咪返黎就要去拜婆婆了…

覺得自己開始成為一個大人, 好多野都要負責做…

因為要湊住妹妹, 最終決定阿佳買哂所有野… 雞, 燒肉, 衣包, 潮洲糕點, 生果, 真係辛苦哂…

約左BB左筲箕灣等, 一齊再轉巴士上去歌連臣角, 未人齊時, 妹妹話玩UNO, 佢地兩個就玩起上黎0刺… 見唔到有UNO? 係呀, 要聰明0既人先睇得見架, wakakakakaka….

呢條裙, 係妹妹堅持要著, 佢話大古古一定會覺得佢似公主, 哈哈哈…

我地幾個雞手鴨腳, 最終都完成拜山呢個咁重大0既任務, 我諗在天上0既婆婆見到實覺得又好笑又安慰!

拜完成5點, 我仲未食LUNCH, 於是大家去左東大街安利醫肚, 西多士同鮮油奶多都好好味!!

淨返0既燒肉同雞, 我地決定去阿佳屋企食左佢, 阿佳仲將部份燒肉整成火腩蠔煲, 好好味呀!!!阿佳你真係好叻呀!!!

BB結婚了

3/23

今日收到BB年底會結婚0既消息, 又緊張,又開心, HEHE…

其實之前都聽過小穎講, 但估唔到係真的…

今年BB真係好多轉變啊, 又轉工, 又受浸,又結婚, 希望佢事事順利!!!

BS BURGER

今晚唔知食咩好, 我提議去屋企附近新開的漢堡飽店...

間舖只有幾張枱, 但通常都FULL...

老公的招牌漢堡, 是手打牛肉, 加薯格...

我都係揀左招牌漢堡, 但要左薯條再加芝士, 好味道...

找趙長成

妹妹己經咳左超過兩個月…

睇左十幾廿次醫生, 每次有藥水飲就好D, 冇藥水就咳返, 呢幾日夜晚仲咳得嚴重左好多, 我地決定又去搵趙長成…

BOOK左6:15, 等到8:30先有得睇, 趙醫生真係好生意…

趙醫生好好人, 冇架子, 又願意詳細解釋, 最鍾意呢D醫生, 但每次要等兩個幾鐘, 又真係好辛苦…

醫生話妹妹鼻敏感導致鼻炎, 氣管都敏感, 但只要醫好個鼻, 氣管就應該會好返…

要噴鼻, 抗生素, 仲有幾支藥水, 診所個袋差D唔夠裝, 姑娘問要唔要多個袋, 真誇張…

$650, 好貴呀!!!! 不過如果一次搞掂就乜都抵返啦, 之前都睇左幾千蚊醫生了…

希望好似趙醫生咁講, 4日後冇咳就”消失”, HEHE….

食完D藥, 妹妹成晚都冇咳過, 真好, 起碼我都可以安心訓, 唔駛一晚醒N咁多次…

Photo by Sens Studio

兩星期前响SENS影左0既相, 今日可以睇0刺…

個PACKAGE包10張泳池相, 泳池相比較難影得靚, 10張好易揀, 唔駛再加錢, HEHE…

到STUDIO相0刺, 又係包10張, 都預左實要額外再加錢架0刺, 攝影師由唔知幾多張揀淨183張, 如果要哂D SOFT COPY, 要加$3680, 好似貴左D喎…

每揀多一張要$100, 篩呀篩, 最後篩淨22張, 加左$1000…

當中有幾張特別鍾意…

 

 

拐童

排周圍都傅有人拐帶小朋友, 攪到人心惶惶, 個個都提高驚覺…

今日學校派左張通知, 話學校己經開左會, 叮囑教職員要小心…

我都不時提醒妹妹, 記住唔可以跟陌生人走, 如果有人捉佢, 記住大嗌救命!!

妹妹開始覺得煩, 而家0既回應係望都唔望:”我知架0刺..”

又食生日飯 - 和味館

今日係老公生日, 夜晚屋企人一齊慶祝…

呢餐己經係屋企人自己第三次慶祝, 農曆生日前一次, 農曆生日正日一次, 今日第三次, 哈哈, 會唔會誇張左D?

落雨C濕, 竟然要爺爺騎膊馬, 真過份!!

呢餐我地去左榮光街和味館, 呢間野0既特式係有蟲蟲食…

當然我地唔會食啦, 不過聽聞妹妹之前都食過蜂擁…

其他小菜聽聞都OK的…

冰鎮八爪魚, 爽脆但我嫌不夠鮮味, 都係好懷念上次响大澳食個隻, HEHE...

牛肉餅, 有陣香料味, 我唔係好接受到...

沙白雞煲, 有妹妹鍾意食0既蜆, 味道都OK...



生菜包, 呢個幾好味, D涵可以用黎比妹妹送飯...

港式蠔餅, 我覺得全晚呢個最得, 又多蠔又脆, 好好味呀!!

其實仲叫左個羊腩煲, 食完再叫左少少火煱配料用黎打邊爐... 

呢個蛋糕, 係我知道要去食飯之前買0既, 只買左個MINI魔鬼, 點算? 點夠分?

仲要佢地可能冇放入雪柜, D CREAM己經好溶, 唔好食…

ANYWAY, 生日快樂呀…