今日游左兩場水呀...

6/26

今日游左兩次水, 妹妹一定覺得好滿足!!

首先係學游水第四堂, 有新野, 妹妹話係响水度訓覺...

然後我地先去太興食LUNCH, 妹妹一坐低就賴左尿, 大家忙左幾個字, 担誤左時間添...

去到玲契契度已經3點幾0刺, 即刻準備落去0刺!!

今次妹妹好開心呀, 佢有玲契契買0既反斗車王水泡同媽媽買0既寶石寵物水袖, D水幾深都唔怕啦!!

D水好凍呀!! 媽媽開頭唔敢行落水, 但妹妹就玩得好開心, 仲同爸爸玩跳水添...

玩玩下, 妹妹話唔要用水泡同袖袖喎, 要自己行樓梯, 仲發哂脾氣添... 我比佢試下, 一行落去就浸到0刺, 佢都嚇一嚇咁, 但仲要堅持再行喎, 咁都得??

游完水, 上玲契契屋企食零食, 有泰國買返黎0既魷魚, 辣辣地的, 估唔到妹妹好鍾意食, 仲搶住食添....