6/30今晚嫲嫲要睇夜場, 帶左妹妹黎九龍灣同我交收...
原本計劃一家三口去睇傢俬, 不過爸爸臨時放唔到工, 我地即時改變策略, 去左北角同婆婆大古古食飯...
間野好似叫曼谷, D野樣樣都唔錯, 不過我最想食0既生蝦賣哂... 
妹妹都好鍾意食, 今日好乖自己坐响度食, 仲夾埋比我地食添...
不過可能悶悶地, 一餐飯去左4次廁所, 成日借尿"頓"...
然後去左好巴閉0既王記食糖水, 我叫左好唔特別0既芒果西水露, 又確實係OK0既...
妹妹成晚唔停咀, 不停講野不停問問題, 淨係回程搭巴士問個滅火筒係咩都問左大半路途, 勁!!
6/27今日攞左半晝假同妹妹INTERVIEW...好緊張呀, 考唔到就要捱勁貴學費架0刺!!好好彩, 每樣野都好好彩喎!妹妹放學返黎覺得好攰, lunch都冇乜點食就訓左, 而家已經叉足電, 勁精神!為了唔好遲到同行到一身汗, 我地都係選擇搭的士...間學校0既學舍都幾殘舊 (同英藝比~~), outdoor playground 0既設施因為日曬雨淋0既關係變得黑黑地, 感覺唔夠光鮮... (我真膚淺~~)妹妹好聽話, 無端端好精伶, 老師去playground搵我地時, 問佢叫咩名, 佢好大聲咁回答"李梓丹!!!!", 仲拖住老師跳下跳下咁入課室... 沿途佢仲老實不客氣咁同老師講:"我想玩呀!"事前响網上search左interview0既問題, 好多都好深咁, 我怕妹妹唔識呀~~不過好彩, 事實唔係咁難啫, 妹妹多數都識...到老師同我傾偈0既時間0刺, 妹妹想玩玩具, 老師示意佢去攞一啲埋黎玩...但妹妹玩左一下, 就走埋我度, 企响度然後慢慢將個頭挨住我...妹妹好靜喎, 都企左好一陣, 我地傾完之後, 老師話要攞糖請妹妹食...老師一埋黎, 先發現原來妹妹賴左尿, oh! my god!!哈哈, 妹妹想去toilet但唔敢講, 賴左尿就更加唔敢講啦!!鞋祙都濕哂, 我唯有抱住佢返屋企啦~~ (三十幾磅的大冬瓜~~)總括黎講, 老師0既表現係好鍾意妹妹0既...傾偈時, 老師已經話冇問題, 仲叫我考慮下, 如果鍾意呢間學校就唔好錯過了...不過, 可以編上午班0既機會好微...好明顯, 佢地而家都仲有位, 真奇怪, 一間口啤唔錯0既幼稚園點解而家都仲有位呢? (算, 唔好諗唔好諗~~)總括黎講, d老師比我0既感覺係好nice, 好平實, 唔似一般學店, 同英藝0個種門面功夫做得好好0既相比, 完全係兩樣野咁...都幾放心, 妹妹應該有書讀0刺!
6/26今日游左兩次水, 妹妹一定覺得好滿足!!首先係學游水第四堂, 有新野, 妹妹話係响水度訓覺...
然後我地先去太興食LUNCH, 妹妹一坐低就賴左尿, 大家忙左幾個字, 担誤左時間添...去到玲契契度已經3點幾0刺, 即刻準備落去0刺!!今次妹妹好開心呀, 佢有玲契契買0既反斗車王水泡同媽媽買0既寶石寵物水袖, D水幾深都唔怕啦!!D水好凍呀!! 媽媽開頭唔敢行落水, 但妹妹就玩得好開心, 仲同爸爸玩跳水添...玩玩下, 妹妹話唔要用水泡同袖袖喎, 要自己行樓梯, 仲發哂脾氣添... 我比佢試下, 一行落去就浸到0刺, 佢都嚇一嚇咁, 但仲要堅持再行喎, 咁都得??游完水, 上玲契契屋企食零食, 有泰國買返黎0既魷魚, 辣辣地的, 估唔到妹妹好鍾意食, 仲搶住食添....
6／25 Doris lee早幾日教左我整芝士牛肉薯餅，話佢囡囡勁鍾意食，呢樣野聽落岩哂妹妹食呀，因為芝士，牛肉同薯仔都係妹妹鍾意食嘅野... 首先將薯仔烚熟，千祈唔好買大陸薯仔喎，於是我响一田買左澳洲新薯，但係點解好似煮極都唔淋嘅？ 唔通"新薯"出現左問題??去皮，好吃力地將啲薯仔顏爛，然後加入已經炒熟嘅牛肉碎同芝士整成一個個波波，oh... 但因為啲薯仔唔夠淋，整唔到波波喎... 算啦，咁成塊餅黎煎啦，一路煎一路散，失敗，不過，我都照比妹妹食... 好攪笑，妹妹食左好多野，唔肚餓，只食到少少，佢話佢飽, 叫我下次再整過... 妹妹好快就訓左，我趁有時間將淨返嘅材料再整一次，今次煎得好睇左啲... 加油呀，下次一定要更好味呀！
6/25呢排個腦好多野諗, 今日同妹妹玩玩下, 不其然一路諗野一路咬手指...突然妹妹要拎紙巾, 原來係拎比我喎..."抺咀啦, 唔好咬手指呀...""唔好咬手, 唔咬手..""知唔知?""NO! NO GOOD!"嘩, 我都係咬一次手指啫, 唔駛一輪咀係咁教訓我卦, 個樣仲要好認真...到左夜晚响同一地點, 玩玩下佢又再提我"唔好咬手指喎"....
