成功 - 飲藥水...

5/25

妹妹今日傷風咳都嚴重左, 嫲嫲同姑姐下晝帶左佢去睇醫生...

妹妹都大個女0刺, 應該開始試下唔好再用藥水溝奶, 要試下就咁飲...

爸爸同妹妹講係時候要飲藥水0刺, 今次要自己飲, 妹妹離奇地諗到藉口, "唔飲0刺, 我好飽呀~"

到我得閒, 即係行刑時間到0刺, 先氹下佢啦, 同佢講如果自己飲左藥水, 聽日就可以同陳主任講自己好叻女, 因為就咁飲藥水, 大個女呀!!

妹妹好受落, 仲好開心添....

好! 馬上開始!!

三樽藥水, 妹妹揀左黃色先, 味道應該幾可口, 一啖就飲哂, 叻!!!

第二樽妹妹揀左紫色, 呢支明顯差d, 不過都勉勉強強飲左, 好叻!!

到第三樽0刺, 呢樽我唔飲都知一定唔好飲, 就係止咳0既啡色, 妹妹may左一may, 好堅決: "倒!! 倒呀!!", 我笑到手都震埋....

最後出埋darryl, 老師, 妹妹最終都肯飲哂, 算好叻架0刺...

不過.... 成功0既第一次, 亦係暫時0既最後一次...