一田大減價

5/26

今日係一田大減價0既第一日, 而家大埔店開左, 我地當然唔可以錯過...

主要任務都係買妹妹0既用品...

最重要就係買泳衣0刺...

又想去沙灘玩沙著, 又想著黎學游水, 揀黎揀去, 冇得試又唔知岩唔岩著, 最終响店員提示下, 我地買左三套泳衣, 當中會有一套唔岩著, 等減完價後拎返去退錢, good idea!!

返到屋企, 馬上試下岩唔岩先.... 哈哈, 妹妹好開心呀!!

呢套係夏天不可少0既三點式... 雖然係90碼, 但都有dd鬆...

妹妹知道自己大肚腩, 縮起左個肚, 哈哈...

呢套都好靚呀, 都係妹妹最鍾意0既blue.. 一件頭, 用黎學游水岩哂啦!!

今晚响一田回程時有趣事, 嫲嫲今晚帶左bb車, 我地搭的士返屋企時唯有將bb車放响車尾箱, 妹妹好擔心, 一路不停叫我攞返, 講左好多次, 個樣好擔心...

落左車, 妹妹同我講好驚, 我問佢驚咩, 佢話好驚會擺低左, 哈哈, 估唔到妹妹會講呢d野...