小穎姐姐生日

3/12 (星期六)

小穎姐姐同爸爸同一日生日, 佢地响大尾督攪生日BBQ, 多謝你地邀請埋妹妹去啊!

搭緊車去火車站會合, 媽媽教妹妹見到小穎姐姐要講生日快樂, 隔左一陣, 媽媽先考考妹妹:"見到小穎姐姐講咩呀?", 妹妹"恭喜發財, 身體健康!"  

媽媽同妹妹講可以唱Happy birthday都得, 好野, 妹妹終於記得, 見到小穎姐姐時唱, 不過, 因為有其他人, 佢好怕醜, 响喉嚨叮度唱...

原本PLAN左2:00集合, 我地4:00就要走, 因為嫲嫲要同妹妹出街, 5:30要離開屋企...

不過, 等下等下, 最終去到燒烤王己經3點幾, oh... 我地得返幾個字!!

妹妹未試過bbq, 佢去到見到個冇人用0既燒烤爐, 竟然問我:"可唔可以坐呀?"

燒烤場側邊有sir sir, 個sir sir又舊又爛又污糟, 但妹妹玩得好開心, 有時, 簡簡單單都可以好開心0既(尤其小朋友), 唔駛下下都要好奢華...

隔離有個士多啤梨場呀, 嘩! 正呀! 我地去摘0刺!!

妹妹唔識用較剪, 所以負責攞住個盒, 放d士多啤梨入去...

嘩! 好大粒0既變形士多啤梨呀!! (乜你笑到咁醜怪0既??)

摘完士多啤梨, 食左條腸仔, 妹妹又話要去玩sir sir... 呢個時候要開始call車走0刺..

撞岩交更, call左好耐都冇車, 不得了, 唯有搭巴士...

不過一出燒烤場門口就黎左搭的士, 真好彩呀!!

妹妹變左一pat泥咁, 返到屋企要先沖個涼, 嫲嫲教定水...

原來沖完涼己經趕唔切出街, 嫲嫲最終放棄左, 決定留左屋企...