對你唔住啊..

3/12 (星期六)晚上

今晚媽媽要同爸爸出去慶祝生日, 食飯+飲野, 帶唔到妹妹去...

爸爸媽媽裝扮緊, 妹妹問媽媽:"我地去邊度呀?", 爸爸媽媽即時對望..."我地??"

媽媽解釋: "爸爸同媽媽要返公司做d野, 你同嫲嫲响屋企啦"

妹妹當然唔肯, 攬住媽媽話佢都要去...

媽媽甚少放低妹妹响屋企自己一個去街0既, 但今次真係冇辦法...

爸爸先走, 响走廊等媽媽...

媽媽想走, 妹妹衝埋黎喊住話佢又去, 點算好呢? 呢個時候魚旦舅父打黎, 聽到妹妹喊到好慘, 都冇催媽媽, 叫媽媽:"咁你慢慢啦.."

後來媽媽又抺下鞋先, 嫲嫲就同妹妹睇電視, 不過出門口時都依然被發現, 勁喊, 但媽媽好恨心地關上門, 個心有d唔舒服, 真的好可憐...