尋找快樂: 3月 2011

2011年3月29日星期二

婆婆又入院

3/14

夜晚十點多, 媽咪打來說要和婆婆入院...

又入院, 今年真的好密啊, 究竟是第三還是第四次? 我也記不起來了...

心裡面有點責怪媽媽因為出去放假而遲了送婆婆入院, 幸好婆婆還不算嚴重...

一直打電話問媽咪婆婆的情況, 直至十二點, 婆婆終於有醫生看完, 說要留院, 原因是婆婆喝多了水, 心同肺都有積水...

其實媽咪都很累, 我知道的...

但婆婆真的需要人照顧, 唯有辛苦你了...

2011年3月24日星期四

掃貨第二ROUND

3/14

呢幾日大家0既話題都離不開日本地震, 而家仲有核幅射危機添, 大家除左憂慮同同情日本之外, 其次就係要掃定貨0刺... 尋晚買定奶粉同尿片, 今日講講下先醒起應該入定D刺身喎!!!

返到公司第一時間就同同事講, 然後即刻上網格價, 嘩! 最平係JFOOD, 但D帶子刺身己經貴哂0刺!! 平時買開L SIZE都係$2XX, 今日己經變左$4XX, 太貴0刺, 唯有退而求其次買S SIZE ($320)啦...

我仲買左赤貝刺身, 吞拿魚腩蓉, 炸蠔, 廣島蠔, 炸芝士年糕同埋豬骨湯, 咁又用左$8XX... 不過, 有排食0既...

LUNCH時, 同事提議去元氣LAST CALL, 大家都好怕以後冇得食, 呢日等位等得特別耐...

掃貨

3/13

魚旦舅父好耐冇見過妹妹, 呢日就黎左0刺, 仲買左HELLO KITTY貼紙呀! 除左魚旦舅父之外, 仲有婆婆, 妹妹好開心咁多人黎搵佢, 玩到個人創哂...

魚旦舅父黎, 佢將D玩具逐樣拎出黎一齊玩, 又捉住魚旦舅父一齊唱歌跳舞, 好攪笑...

比魚旦舅父提一提, 原來日本地震應該要入定D奶粉, 爸爸好緊張, 不停盤算應該買幾多...

去到漢成, 放奶粉0既柜己經差唔多吉哂, 我只見到有一罐BEANSTALK咋...

好彩隔離0既冠生岩岩返左貨, 森永大仔價錢己經由$130升到$158, 嘩, 好貴, 不過唔理0刺, 入定一箱啦... 因為PAMPLES特級綿柔聲稱自己係日本進口, 所以我地又入左幾包...

冠生D人突然生意大增, 每逢D人話買野佢地就忍唔住笑, 佢地係笑我地班傻仔定係笑突然生意額大增呢??

2011年3月19日星期六

老公的生日

3/12 (星期六)

呢日係老公0既生日, 我地食飯+飲野慶祝...

食飯地點 - The One 金牌小龍
Book左間房, 食物好一般, 翡翠仲好味D! D侍應又不知所謂, 以後唔去lu...

飲野地點 - 棉登徑 quarter 2
响度慶祝生日間bar會幫你做張poster, 我搵左兩晚都搵唔到老公0既靚相, 最後揀左幾張比間bar揀, 佢地就揀左呢張陳年照...

旦糕係luna cake0既北海道旦糕, 魚旦仔早幾日訂, 响北海道空運過黎架, 好好味呀!! 我鍾意原味多d!!

B仔送的乳豬, 新斗記出品, 片左肥膏, 真體貼, 正!!!

2011年3月17日星期四

破譯寶寶行為中的「暗號」

從人家的網誌上看到的, 作為父母的要多多注意啊!!

2011年3月15日星期二

對你唔住啊..

3/12 (星期六)晚上

今晚媽媽要同爸爸出去慶祝生日, 食飯+飲野, 帶唔到妹妹去...

爸爸媽媽裝扮緊, 妹妹問媽媽:"我地去邊度呀?", 爸爸媽媽即時對望..."我地??"

媽媽解釋: "爸爸同媽媽要返公司做d野, 你同嫲嫲响屋企啦"

妹妹當然唔肯, 攬住媽媽話佢都要去...

媽媽甚少放低妹妹响屋企自己一個去街0既, 但今次真係冇辦法...

爸爸先走, 响走廊等媽媽...

媽媽想走, 妹妹衝埋黎喊住話佢又去, 點算好呢? 呢個時候魚旦舅父打黎, 聽到妹妹喊到好慘, 都冇催媽媽, 叫媽媽:"咁你慢慢啦.."

後來媽媽又抺下鞋先, 嫲嫲就同妹妹睇電視, 不過出門口時都依然被發現, 勁喊, 但媽媽好恨心地關上門, 個心有d唔舒服, 真的好可憐...

小穎姐姐生日

3/12 (星期六)

小穎姐姐同爸爸同一日生日, 佢地响大尾督攪生日BBQ, 多謝你地邀請埋妹妹去啊!

搭緊車去火車站會合, 媽媽教妹妹見到小穎姐姐要講生日快樂, 隔左一陣, 媽媽先考考妹妹:"見到小穎姐姐講咩呀?", 妹妹"恭喜發財, 身體健康!"

媽媽同妹妹講可以唱Happy birthday都得, 好野, 妹妹終於記得, 見到小穎姐姐時唱, 不過, 因為有其他人, 佢好怕醜, 响喉嚨叮度唱...

原本PLAN左2:00集合, 我地4:00就要走, 因為嫲嫲要同妹妹出街, 5:30要離開屋企...

不過, 等下等下, 最終去到燒烤王己經3點幾, oh... 我地得返幾個字!!

妹妹未試過bbq, 佢去到見到個冇人用0既燒烤爐, 竟然問我:"可唔可以坐呀?"

燒烤場側邊有sir sir, 個sir sir又舊又爛又污糟, 但妹妹玩得好開心, 有時, 簡簡單單都可以好開心0既(尤其小朋友), 唔駛下下都要好奢華...

隔離有個士多啤梨場呀, 嘩! 正呀! 我地去摘0刺!!

妹妹唔識用較剪, 所以負責攞住個盒, 放d士多啤梨入去...

嘩! 好大粒0既變形士多啤梨呀!! (乜你笑到咁醜怪0既??)

摘完士多啤梨, 食左條腸仔, 妹妹又話要去玩sir sir... 呢個時候要開始call車走0刺..

撞岩交更, call左好耐都冇車, 不得了, 唯有搭巴士...

不過一出燒烤場門口就黎左搭的士, 真好彩呀!!

妹妹變左一pat泥咁, 返到屋企要先沖個涼, 嫲嫲教定水...

原來沖完涼己經趕唔切出街, 嫲嫲最終放棄左, 決定留左屋企...

打蔴雀

呢排妹妹一拎起一堆細細舊0既野, 就會放响櫈仔上面, 跟住叫埋我一齊打蔴雀...

呢一日, 我地又打蔴雀0刺...

打完妹妹話要比錢...

我同佢講, "吓? 我地唔玩錢架喎.."

妹妹:"比錢! 14蚊..."

我: "我都冇錢..."

妹妹竟然教我櫈仔邊可以拉出黎攞錢(等如人地蔴雀枱), 哈! 嫲嫲話佢只見過一次打蔴雀(仲要N咁多個月前喎), 唔係咁記得呀?

好孩子

3/10 (星期四)

妹妹今日放學返到屋企, 件校褸上面貼左個貼紙, 老師話"好孩子"就有喎!

2011年3月13日星期日

煮...

3/9 (星期三)

奶奶湊左妹妹出街食飯, 我見放工冇野做, 於是返屋企煮飯, 順便可以帶飯...

兩個人食, 只煮兩個餸...

1. 煎豬扒 - 街市醃埋, 好好味架, 又方便, 只係煎就得... 不過3塊豬扒唔係塊塊都好淋, 蝕左...

2. 魚香茄子 - 個樣好似幾好咁呀, 哈哈!! 我第一次煮, 不過當然用現成0既魚香茄子醬啦... 味道呢.... 就應該加多D水, 因為原來D茄子勁快索水, 同埋咸左少少... 原來切茄子都有技巧, 一D粗一D幼結果有D唔夠淋... 呢個下次可以再試, 因為好快攪掂, 我整到咁都唔難食, 只食淨幾條...

煲左4碗飯, 諗住食完先留飯啦, 點知老公一開始就食左兩碗, 我食左一碗多d, 淨返0既老公筆埋黎食, 原來佢唔知我未留飯, 夾硬食埋費時side, 一場誤會...

2011年3月10日星期四

ST. Paul Interview

3/8 (星期二)
今日放半晝假, 同妹妹去大埔聖保祿面試…
返到屋企, 妹妹比我嘈醒, 問:”點解會0係度0既?”
嫲嫲同我講, 妹妹跌親個咀, 係放學時响學校門口, 嫲嫲有少少尷尬, 因為如果小心睇住, 妹妹冇可能响0個度跌親, 仲要係個咀…

之前响學校整親0既瘀傷未好返哂, 又再跌多次, 因為妹妹响屋企自己除衫, 失去平衡又跌落地, 撞親同一個地方… 唉, 而家嗰撻野黑到…

我真係有諗過唔好去, 去到比人見到呢個小朋友成面傷哂, 一定諗佢屋企人點湊架? 想收都幾難…

不過, 既然放左假, 不如照去啦, 最多都係SIDE多$30的士錢…

聖保祿係一間好舊0既學校, 不過聽聞D老師有愛心, 小朋友讀得好開心…

妹妹原來係自己入去面試0既, 我只偷睇到少少, 老師同佢用我SUBMIT0既生活照傾偈, 然後考佢顏色配對, 妹妹識哂, 老師同佢YEAH! GIVE ME FIVE!, 我見到忍唔住笑囉… 其他野我就再睇唔到0刺…

出返黎, 負責做安排0既老師好驚訝, 問妹妹發生咩事…
媽媽只好話:”佢响學校整親..”
老師話:”你返緊學0刺, 讀邊間呀?”
媽媽:”英藝..”
老師:”又係英藝? 我地之前又收左兩個, 又係咁0既樣..”
其實根本就唔係… :P
老師:”其實英藝都唔差架喎… 哎呀, 轉過黎啦..”
媽媽:”如果收我一定轉過黎啦!!!!!!”

其實只收十幾個, 幾時輪到我地呢????

Homeless Alien CD

3/6 (星期日)

Homeless Alien隻碟出左兩個月, 我先買到, 今次係响又一城0既CD WAREHOUSE度買到…

响貨架上搵到呀!! 好開心呀!!

$85, 即刻去收銀處比錢, 哈哈, 其實好想提一提佢地, 記住放返隻出黎賣呀…

2011年3月9日星期三

剪髮日

3/6 (星期日)

爸爸同妹妹都分別去剪髮...

爸爸去尖沙咀...

媽媽就帶妹妹去又一城...

妹妹揀一路睇barney一路剪髮...

剪齊陰...

完成圖 + 副超...

見到同學仔

3/5 (星期六)

我地晚餐响旺角翠華食, 妹妹一坐低, 就即刻自己同WAITER講:"唔該比張BB櫈!!", 哈哈! 妹妹, 茶餐廳點會有BB櫈呀??

食完我地就搭巴士返屋企, 等緊巴士時, 有d人响度修路掘路, 妹妹開始問問題0刺, "咩黎0既?", "做咩0既?", 解釋完又"跟住呢?"
响巴士坐左一陣, 我就發現同學仔- 子晴响我地附近!!
只有我個位可以望到, 即刻抱妹妹望下...

妹妹見到好開心呀, 同同學仔兩個不停揮手打招呼...

不過佢地唔識同對方講野, 只係不停揮手, 好悶喎... 於是對方爸爸同妹妹媽媽(即係我)就教佢地問下對方問題, e.g. 你食飽飽未呀? 你做左功課未呀??
冇野講0刺, 妹妹都繼續要望住同學仔...

見到同學仔搶左媽咪0既野, 扭計唔肯比返媽咪, 妹妹好認真咁講:"比返媽咪先啦!!", 哈哈, 你平時都係咁搶媽媽野, 估唔到你會勸人囉...
我地同一個站落車, 手拖手一齊行左一段路, 好明顯, 同學仔係比較定, 慢慢行, 而李梓丹就快步, 行樓梯都懶叻過人...
拖住手一齊行, 好開心!!