你好野! 同我嗌交!!

話說尋晚我同李梓丹响房, 小吉上身0既佢突然擰左個鬧鐘黎食, 我當然唔比佢咁做啦, 佢唔肯比個鐘我, 咁我又用隻手掌擋住個鐘等佢食唔到, 佢想咬我隻手, 但我隻手伸直左佢又咬唔到, 哈! 可能我個樣招積左d啦, 佢嬲嬲放低左個鐘, 打我隻手又邊講"打打", 我於是回應佢"你打我呀? 你應該打曳曳0個個嘛! 邊個曳曳呀?", 點知佢即刻指住我, 其實我好surprise, 因為佢反應好快, 但我當冇野, 繼續同佢嗌交, 我話"係妹妹呀!", 點知佢又即刻話"媽媽!!", 於是乎我又一句"妹妹!!", 佢又一句"媽媽!!"咁, 我地嗌左一場交... 哈哈...

唔知佢係咪真係識咁樣回應, 但呢場交真係嗌得好流暢架!!!