想盡辦法都要得到的DR. KONG涼鞋

2014年9月2日

 

雖然已經開左學, 但而家都係返緊半晝, 連書都係聽日先買, 所以一樣功課都未有呀...

 

有見及此, 嫲嫲今日就帶妹妹去太嫲度飲茶0刺...

 

飲完茶, 經過DR. KONG, 妹妺見到櫥窗有對超靚涼鞋, 叫嫲嫲買比佢, 但嫲嫲冇即時應承, 佢地於是上左太嫲屋企先...

 

我接到妹妹電話, 佢同我講好想買涼鞋, 仲話一對只係50蚊, 好抵, 好彩嫲嫲即刻澄清, 應該係買兩對平50蚊, 好大分別喎!

 

呢件事我一定反對啦, 因為今季都唔知買左幾多對鞋比佢0刺, 又買, NO WAY LA!

 

到我放工, 行到巴士站搭車, 妹妹電話又黎, 叫我去黃大仙接佢地, 下??? 唔係卦! 你地自己返啦! 妹妹好堅持, 但我當時不以為意, 冇理佢...

 

返到屋企諗諗下先估到妹妹梗係想我去黃大仙跟住叫我買鞋, 哈哈! 好彩我冇上當啫!

 

點知, 原來妹妹响DR. KONG門口喊左好耐, 一見人入去就嗌:"冇0刺冇0刺! 人地入去買嗰對鞋0刺! 仲唔買就冇得買架0刺!" 笑死人了, 呢個時間人人入去都係買返學鞋啦!

 

糾纏左好耐, 嫲嫲最後都輸左, 買左對鞋比佢... OH NO!