STAFFORD下學期頒奬典禮





今日特別為左參加頒奬典禮攞左半日假, 今次我地邀請埋嫲嫲出席, 見到個孫攞奬, 我諗佢都會好開心!

 

 

頒奬典禮响YORK禮堂舉行, 入到學校之後, 小朋友就跟老師去準備, 家長們就進入禮堂就坐...

 



等左一陣, 頒奬典禮正式開始, 首先由校長致詞..

 



 

然後逐個奬項頒發, 到UKA, UKB同UKC三班0既中文學科奬得奬者到台前, 到我地妹妹0刺!

 

好大個奬狀呀! 金光閃閃好靚!

 

今日除左攞奬開心之外, 仲可以再一次見到妹妺0既best friend Joey, Joey好忙, 以後唔會有好多機會見面, 大家將來要加油呀!

 

 

畢業禮時冇機會同老師合照, 好彩今日可以有機會影返..

 

Stafford個個主任老師都好好, 同學仔亦好乖好斯文, 慶幸妹妹响呢間學校讀左三年書..

 

 

 

 

亦恭喜得到好成績0既同學仔, 希望奬項能夠令小朋友响未來日子有鼓舞0既作用..

 

好榮幸可以出席今次頒奬禮, 為呢三年0既幼稚園生涯畫上完美的句號..

 

今日收到JOEY送比妹妹0既禮物, 係FROZEN筆袋同貼紙, 妹妹好鍾意, 我地會好好珍惜同好好利用架0刺!