木糠布甸

6/30

 

講整木糠布甸已經有半年, 趁妹妹而家D咳好返D就試下啦...

 

同妹妹講食完LUNCH就做木糠布甸, 播左D片比佢睇點整...

 

佢好期待, 所以LUNCH食左幾啖飯就話飽, 要即刻整木糠布甸...

 

其實D工具一早已經準備妥當, 小穎同ZOE真好, 比齊哂D用具我, 咁我只係買食材就得0刺...

尋晚唔係即刻返屋企, 所以星期四晚OT完漏夜去左大百佳買忌廉, 我真係有心整架...

 

有小朋友參與件事, 真係幫唔到手之餘, 仲加添WORKLOAD...

 

準備功夫做左一輪之後, 可以開始0刺!!

 

我係第一次做甜品, 雖然聽聞木糠布甸一D難度都冇, 但我都係一D信心都冇囉...

 

打忌廉? 未試過... 點先為知打到全企身? 我都唔知囉... 打到D忌廉唔係好郁到就算卦...

 

80G 0既煉奶有幾多? 懶人ADA明明洗左個磅都唔磅下, 就咁隨意唧...

 

木糠同忌廉要舖得靚, 原來真係唔容易...

 

我0既第一杯...

妹妹0既第一杯...

呢杯加左OREO...

我地TOTAL整左9杯, 自己整真係平好多, 味道就唔知0刺...

 

放哂入雪柜, 出到街又有少少後悔唔放左冰格喎, 好似硬硬地好味D喎...

 

返到屋企第一時間放幾杯上冰格, 冰左十分鐘先食...

 

好彩佢地話味道幾好, 只係木糠太多, 我諗下次要買個篩, 可以落得薄D...