尋找快樂: 9月 2012

2012年9月30日星期日

科學館

9/30

一連四日假期裡面, 我plan左一日去科學館, 講左好耐, 今次終於都去到0刺...

朝早落街食完早餐, 返到屋企hea左, 成兩點幾先出發, 三點到達科學館...

好多野玩喎, 不過好似岩我同老公玩多d...

好多鏡, 好得意...

行左成三個鐘, 都只係行左一層, 餘下三層我諗要下次再黎0刺, 因為我好肚餓, 餓到胃痛了...

charlie brown cafe, 好耐冇黎過...

妹妹堅持要揀件有snoopy0既旦糕...

跟住陪老公去旺角試earphone, 點知間野今日早收, oh... 摸門釘添...

返屋企都7點0刺, map同姑姨婆都黎左做節...

大家都好飽, 再同妹妹切蛋糕, 妹妺今日農曆生日, 嫲嫲之前問佢知唔知中秋節係佢生日, 佢話佢知, 佢五歲0刺! 哈哈...

11點幾先去玩燈籠, 妹妹手渣住燈籠, 又戴住d螢光圈, 覺得自己好怪, 好怕人地眼望望, 哈哈...

和黃公園原來好多人架, 好彩有姑姨婆一齊玩, 妹妹玩到身水身汗呀...

童言無忌

9/30

呢兩日開始感受到咩叫童言無忌, 哈哈....

無忌一: 尋日妹妹叫婆婆去我地屋企, 佢話: 我地屋企好乾淨架, 乾淨過你屋企!

無忌二: 今朝搭lift落樓食早餐, 好多層都有人入, 到4樓都有人入, 妹妹話: 4樓就唔駛搭lift啦!

2012年9月27日星期四

9/27

尋晚美國放假，今日唔太忙，假期前啲期都定得七七八八，所以今日可以準時放工。

原來準時放工係咁好，去完家計會，探埋小冬都只係八點，原來啲時間好好用!

今日阿佳放假睇住小冬，小冬都好正常，同以前差唔多了，只係去廁所仲未夠力遞起一隻腳，同埋冇吠出聲，佢見到我都仲識叫我攞零食，胃口好多了。

跟住約老公食飯，見新開左間粥舖-聚寶粥有蒸飯食，又多人，要試下啊!

好感動，我真係太鍾意食蒸飯喇，離開大埔後，而家終於夜晚有蒸飯食喇!

不過味道一般，係非常一般呀，飯太淋，食落口有啲一pat pat有啲失望呀…

2012年9月26日星期三

生日會小禮物

9/26

尋晚探小冬前响零食最強買左一堆小食，今晚開工做包裝，比妹妹星期五返學開生日會送比小朋友。

班上有29位小朋友，包裝完之後一大堆，hello kitty好靚呀。

心臟檢查結果

9/25

今晚放工去診所聽心臟檢查報告，醫生同我地上左一堂心臟科嘅堂，講得好詳細，亦好有耐性解釋有咩要注意。

之後我地探小冬，見佢對腳開始有返啲力，响個籠裡面可以行到個圈。

不過精神都係差啲，同埋唔知佢去廁所有冇問題呢。

原本醫生話小冬可以出院，但因為聽日冇人响屋企，我地決定比小冬留多晚。見到小冬好唔開心嘅樣，其實有啲心軟，好想帶佢返屋企呀...

轉院

9/24

今朝一早叫BB打去麥花臣問下小冬情況, 到11點麥花臣仲未覆喎... 我再追, 佢地隔一陣先打黎...

情況係小冬依然唔太食野, 只食左少少...

佢地催我要決定幫小冬抽組織化驗同驗血, 但D態度好CHER, 我覺得不太好啊...

雖然我明白, 唔驗血係唔會知道小冬發生咩事, 但似乎診所亦好緊張抽組織化驗, 以我個人諗法, 醫生話多數係CANCER, 咁就算驗到係CANCER, 大家都唔會贊成幫小冬安排做手術或化療, 所以我覺得抽組織唔係最先要做喎...

BB上網SEARCH左好多關於狗狗生CANCER0既CASE, 唉, 好唔開心, BB再建議想帶小冬返屋企, 攞假陪小冬餘下0既日子, 唉, 攪到我成個下晝都成日眼濕濕, 小冬真係要離開我地嗎?

同阿思講開, 我話我怕麥花臣呃我, 硬SELL我抽組織, 於是阿思介紹我去另一間診所, 叫CAU, 佢話之前同小白睇過, 覺得幾好, 同埋我地再上網SEARCH過都見到有好多好評喎...

CALL CAU, 接電話0既姑娘好好人咁同我講, 然後話要問下醫生小冬可唔可以轉過去佢地度, 好快佢地就回覆建議我先問麥花臣醫生小冬可唔可以轉, 因為怕一出一入反而令小冬更唔舒服呀... 佢地令我覺得唔係只想賺錢, 第一考慮係小動物0既安全, 感覺好好...

最後麥花臣都話可以轉院喎, 我8點多放工, 約左BB响麥花臣等...

點知, CAU話已經FULL BOOKING, 要等到11點, 我地唯有响隔離大門橫丁食野先, 10點再帶走小冬...

出面紅雨, 好難截車, 小穎都到左, 我地截左幾個字先有車, 去到CAU都差唔多11點...

响的士度, 小冬都會郁下, 向前爬, 感覺精神左D喎, GOOD!

去到診所飲少少水...

阿思介紹0既李醫生放假, 今日楊醫生响度, 佢係心臟科醫生, 正岩哂小冬呀...

楊醫生係國語人, 勁好人, 好細心又有耐性, 佢建議首要應該驗血同CHECK心臟, 睇下心臟病去到咩程度, 再對症下藥... 然後等小冬情況好D再決定要唔要割粒野出黎做化驗, 但而家唔係時候, 因為小冬太虛弱了...

阿佳都到了, 我地決定驗血同CHECK心臟, 夾埋要$3400, 好貴啊... 但為小冬好, 都冇辦法啦...

驗血半個鐘就有結果, 報告話小冬肝腎都冇乜事, 主要係營養唔夠, 可能因為幾日冇食野啦...

响驗血過程中, 醫生要按住小冬個頭同條頸固定佢先抽到血, 呢個時候小冬個口就有D膿出左黎, 証實粒野係發炎, 放心左!

但小冬後腳完全冇力, 醫生TEST過佢對腳有反應, 但佢一步都行唔到呀, 好担心呀, 點解會咁架???

小冬繼續留醫, 我地離開診所已經零晨一點0刺...

小冬出院

9/26

今晚由BB湊小冬返屋企，BB話小冬已經近乎正常了，小冬真係厲害!

2012年9月23日星期日

小冬入院

9/23

週年紀念晚餐差不多完結時, 突然接到BB電話, 話小冬好唔舒服, 又肚疴, 己經幾日冇食野... BB估計小冬應該唔係好得, 唔想同佢睇醫生, 因為怕佢要留醫, 會唔開心...

我唔太認同, 又唔知小冬咩事, 點解唔去睇下醫生? 第二日屋企又冇人理, 死左都冇人知呀...

我話食完飯就返屋企一齊去診所, 妹妹聽到之後一直捉住我唔放, 話要一齊去...

最後, 大家一齊上左5號巴士返媽咪屋企...

以前小冬後生, 知道我返去一定走出黎好開心, 而家老左, 反應冇咁快, 但都一定行出黎, 吠下, 擺下尾, 然後就不停叫我攞雞條比佢.... 但今晚, 小冬連擺尾0既氣力都冇...

佢响椅下, 我叫左幾聲佢先行出黎, 想再行多幾步都行唔到, 好唔正常啊...

大家商量左一陣, 決定都係去返小冬睇開0既麥花臣動物診所...

妹妺仲未肯放過我, 但爸爸就一直叫妹妺跟佢返屋企...

哈哈... 落到街截車, 妹妹好快咁上左的士, 仲快過我, 好好笑... 最後留低爸爸自己一個返屋企...

醫生發現小冬顎下有一粒好大0既野, 小穎前幾日先摸過佢, 嗰陣未有架...

醫生話唔知粒野係咩, 一係發炎, 一係CANCER, 但因為唔痛, 似CANCER多D, 叫我地抽組織化驗...

同埋要驗血, 因為唔知小冬身體會唔會有另外0既問題...

小冬只係疴軟便, 又不至於會唔食野喎...

要留院吊塩水同打抗生素, CHECKING我地考慮下再決定...

好担心呀, 小冬咩事呢?

2012年9月21日星期五

嬲了?

9/21

尋晚OT到11:45, 返到屋企妹妹己經訓左0刺...

今朝準備緊返工時, 妹妹突然醒左, 問我: "媽媽, 你訓唔訓覺呀?"

我己經換左衫, 同佢講:"唔得呀, 我要返工0刺..."

妹妹即刻唔望我, 好似嬲左咁...

唯有話今晚會早D返啦, 不過佢己經一路都唔睬我0刺...

準備左小禮物(朱古力)比佢, 希望佢起身見到會開心啦!!"

2012年9月20日星期四

唔做壞人

9/20

有一日, 嫲嫲帶妹妹去食放題...

嫲嫲有個朋友個仔, 己經差唔多五歲, 每次去食放題/BUFFET, 人地問佢幾多歲, 佢都會答兩歲半...

嫲嫲又效法(當然我不贊成啦

), 點知妹妹反對, 佢話: "梗係唔得啦, 我四歲架0刺, 點可以講大話架!!"

哈哈哈... 好好笑... 嫲嫲同返我地講時, 妹妹都仲插咀話佢唔會做壞人, 好抵錫呀!

2012年9月16日星期日

多啦A夢 + SKY100

9/16

今日想同妹妹去SKY100, 因為D團購票就黎到期0刺...

但係... 多啦A夢又係最後一日喎...

爸爸先去整頭髮, 妹妹就陪我去驗眼, 再約响尖沙咀等...

先醫肚, 原來而家板長有下午茶, 部份食物有半價...

食完就行去睇多啦A夢...

超多人, 我地只影左幾個...

真係好多人....

再去XTC食GELATO, YUMMY...

食食下, 有人入黎, 手抱住個小女孩, 小女孩訓左, 妹妺話人: 食雪糕0刺你仲訓...

哈哈... 笑死我, 好彩人地係日本人, 唔識聽...

搭左架超耐巴士去SKY100, 搭左45分鐘囉... 尖沙咀去ELEMENTS, 哈哈哈...

一分鐘就上左100樓, 好快呀...

出左LIFT個地下好靚...

我原意係睇日景, 但去到變左夜景...

黑忟忟, 都唔知邊度打邊度...

入面唔係好大咋, 感覺同台北101差不多...

花得最多時間就係呢度, 妹妹坐低整名信片...

逗留左大約一個鐘...

PANCAKE

9/16

今朝同妹妹一齊整PANCAKE做早餐...

好易整, 不過, 整整下妹妹話好悶, 佢出去等...

2012年9月15日星期六

飲茶聚會

9/15

今日婆婆約埋D舅父, 話同我地飲茶...

魚旦舅父又約下午茶喎...

咁於是就一齊0刺...

師奶仔...

婆婆送左利是, 魚旦舅父送左架HELLO KITTY SCOOTER...

妹妹勁鍾意呀...

上次去AMY屋企玩過, 妹妹己經好想要, 但我一直都冇比過佢...

今次有0刺, 好開心...

好好笑的小朋友

9/15

今日同妹妹傾偈, 講開大人小朋友, 我問妹妹鍾意做大人定小朋友, 預左佢會答鍾意做大人啦, 不過... 係咩原因呢?

原來, 做大人可以切野, 同埋偷野食...

仲話嫲嫲都會偷野食, wakakakakaka

然後又問下, 妹妹大個想做咩, 呢個問題我間中就會問下...

想做醫生, 老師, 或者回鄉証, wakakaka... 記得上次同佢去申請回鄉証之後, 佢就話好想做嗰D人, 我諗係因為成日要蓋印吧...

2012年9月14日星期五

妹妹的四歲生日

9/14

今日妹妹四歲0刺!!!

攞左兩個鐘頭假接接妹妹放學, 之前兩日我都試探過妹妹, 佢似乎唔記得左我答應過接佢放學喎...

咁... 於是一直挣扎去唔去...

但最後, 我都係決定接妹妹, 個女點都緊要D呀...

最終4點先走, 唯有飛的, 去到學校, 仲未輪到家長接喎...

妹妹見到我又唔見好驚喜喎...

同同學仔玩, 好開心...

跟住行去又一城搭小巴, 返到去己經6點, 仲耐過搭校車呀, 哈哈...

等埋姑姨婆黎, 我地就出去食飯, 大家都諗唔到食咩, 咁就食板長啦...

不過, 路經吉野家時, 妹妹堅持要食牛肉飯, OH... 邊有人生日食牛肉飯架???

糾纏左一陣, 終於大家都屈服了...

然後返屋企切旦糕, 姑姨婆買左KUROMI...

仲有爸爸買0既禮物, ZINGO..

生日快樂!

2012年9月9日星期日

長隆兩日一夜之旅-DAY 2

9/9
一早起身, 妹妹己經好精神, 有得玩佢就好精神...

晨早起身落樓下食早餐, 星河灣酒店好多野食...

老爺最勁, 食親BUFFET都可以生多左幾個胃出黎咁, 食好多好多...

9:30我地就上房換衫去游水0刺, 酒店又兩個泳池 - 室外同室內, 我地主要响室外玩, 因為室內嗰個好暗, 同上網介紹好唔同, 感覺麻麻地喎...

而室外嗰個就靚好多, 除左奶奶, 個個都有落水...

游到11:00, 我先上房沖涼換衫, 等佢地返黎...

同妹妹沖涼時, 妹妹好慘咁話冇野玩, 好悶喎...

O咀... 冇野玩??? 好悶????

原來妹妹0既意思係返到屋企就會冇野玩, 好悶呀!

仲話要返屋企拎埋D野黎呢度住, 哈哈.. 真係笑死...