happy mother's day???

5/11

今日原本想約人去街, 因為唔太想早返屋企...

但係我最後都放棄左, 一來想返去睇下妹妹個身仲有冇一粒粒, 二來妹妹今日應該响學校攞返份母親節禮物返黎, 我諗佢一定想我早D返黎送比我!

8點幾返到屋企, 妹妹响電視望住我搭LIFT...

一入門口, 妹妹就渣住支花送比我, 仲同我講:"HAPPY MOTHER'S DAY!!", 再黎一個擁抱, 真冧爆...

睇真d, 點解貼住民建聯貼紙0既???? 原來係爺爺拎返黎的... 哈哈...

咁你另一份禮物呢?  一時又話放左响thomas個書包上面, 一時又話可能比人搶左, 不過, 總之就係冇拎到返黎啦...

妹妹好肯定搭校車時係有响度0既, 等我盡最後努力call call校車司機啦...

結果, 真係漏左响校車, hehe... 星期一可以比返我地呀...