2012年4月22日 星期日

妹妺的新天地

4/22
 
自從上星期去過葵涌廣場, 妹妹就好想再去, 因為有佢至愛0既手卷同撈金魚
 
貼紙獎勵計劃呢個星期再開始, 希望可以控制一下妹妹0既脾氣
 
妹妹呢個星期都算乖, 大小姐有時難免有脾氣, 但第二日就算我唔記得, 佢都會同我講佢有發脾氣, 呢份誠實0既態度又真係好值得欣賞啊
 
有時做左D我認為好抵讚0既事, 會額外比多個貼紙以示加許
 
雖然有幾個窿窿, 但我都會照比獎勵佢, 呢個星期獎勵係去葵芳撈金魚, 食手卷”!
去到葵涌廣場, 第一件事係撈金魚, 其實大家都未食野, 但妹妹話撈金魚十分鐘好快啫..”, 為左之後有餐安樂茶飯食, 都係去撈左先啦
 
之後我地就上三樓食手卷可是內部裝修….
 
妹妹提議去隔離0既吉野家, 又係吉野家, 呢個星期起碼三次了, 尋日先食完, 我就黎見到都想嘔
 
爸爸去買野食時, 我地見到對面有一家人, 爸爸+媽媽+仔仔, 仔仔好似妹妹咁大, 竟然企响梳化上, 媽媽就舉高D飯餵仔仔
 
妹妹好奇怪點解小朋友會企响度, 我就解釋比佢知咁樣好危險, 可能會跌落佢爸爸D熱野食度燙傷
 
講下講下, 個小朋友又行出左D, 妹妹好緊張話:”佢就黎跌架0..”, 呢一句, 惹來佢地一家三口望哂過黎, 然後妹妹同我講:”我話你就黎跌啫..”, 哈哈, 咁好急才0?
 
妹妺繼續牛肉飯+燒鯖魚, 狂食+狂食….
 
食完再買PANCAKE, 但因為冇雪糕, 妹妹食左兩啖就唔要, 我要食哂成個, 好肥呀!!!
 
再周圍行下, 連買野都有妹妹份, 黑超+介子
 
然後行過又買曲奇餅, 又買鱈魚片, 一路行一路食, 好似個街童呀
 
又扭左隻手錶喎, 跳字錶, 比妹妹學下睇時間啦
 
再去新都會上面0既親子樂園玩, 即係SIR滑梯, 打千秋
 
同妹妹玩捉E, 妹妹最開心, 嗰度地方大, 難搵D, 好玩D…
 
妹妹想玩買野食, OK, 我地要輪住捐落個好細0既窿入面扮賣野, 幾十歲人, 都幾吃力, 哈哈
 
呢個遊戲, 吸引左幾個小朋友一齊玩, 玩玩下, 太多人, 我地都係退出啦
 
再玩多一陣, 就去食野返屋企, 妹妹都攰到訓著左...

1 則留言:

  1. Barbie Barbie Barbie2012年6月3日 中午12:03

    嘩....原來妹妹同我地一樣, 都係咁鍾意行葵涌廣場, 哈哈~~~~
    [版主回覆06/05/2012 13:29:46]係呀, 佢好鍾意架, 嗰度有齊佢最愛0既玩意同野食...

    回覆刪除