我想要妹妹

12/9

 

呢兩晚同妹妹沖涼, 妹妹都問我肚裡面有冇BB…

 

第一晚:

妹妹指住個肚: 你呢度有冇BB呀?

我: 冇呀..

妹妹: 咁你得妹妹咋?

我: 係呀, 我得你一個咋, 生左出黎啦, 咁大個0刺..

繼續: 你想要個弟弟妹妹呀?

妹妹: 係呀, 我想要妹妹..

我: 咁你會唔會錫妹妹架?

妹妹: 會, 我會抱佢架..

我: 咁你有野食會唔會分比妹妹食?

妹妹: 會, 我會分紫菜比佢食..

我: 咁如果你得一塊紫菜, 咁你會唔會比左妹妹食呀?

妹妹: 我地可以一齊食架…(係喎, 每人半塊咪得囉...)

我: 咁如果得一粒糖呢?? 你會唔會自己唔食, 比妹妹食?

妹妹諗左一陣: 會..

我: 咁到時你係姐姐, 咁你要自己一個人訓, 妹妹要同媽媽爸爸訓架0刺, 知道嗎?

妹妹: 咁唔得喎! 我同妹妹同媽媽訓喎…

 

第二晚:

妹妹問: 你有冇BB呀?

我: 未有呀… 生一個BB好貴架, 用好多錢架.. 如果生多個妹妹, 就冇錢買玩具比你地架0刺..

妹妺: 咁我比我D玩具妹妹玩…

我: 生你一個己經要好多錢, 生多一個就要好多好多錢, 媽媽冇咁多錢呀..
妹妺: 要好多錢呀? 咁去買D錢囉…