再黎深圳搜索傢俬之行

7/24

好唔舒服, 聲都變埋...

但今日行程緊密, 絶對冇機會比我鬆懈...

妹妹要去游水, 因為SENS今堂黎影相...
之後同老公再去深圳, 計劃之後再去探婆婆...

因為冇相熟0既兌換店, 我地响上水唱, 又真係高少少喎...

今次主要買餐枱, 燈同埋窗簾...

先去B&Q, 0個度好大好大, 但D野好似唔多岩我地, 餐枱得好少款...

再行金海馬, 老公睇中好多款, 全部都係款靚, 但較大張同冇得伸縮的...
我意願剛好相反, 師奶都係想要D實用D, 又對小朋友安全D0既...

結果係我勝出, 响家之福買左一張可以變圓枱0既款, 雖然唔係太靚, 但實用喎...


夾埋4張椅, 款式任選, $1600人仔, 後來我响吉之島見到同款0既淨枱(淨黑色的)都要$4299呀...

 

轉戰田貝四路, 响家合居米蘭軒訂左窗簾, 老細好有禮貌, 又夠PRO, D窗簾款都幾靚...

然後再買燈, 哎呀, 己經7點幾, 去唔切醫院了, 激死...
家合居太多燈飾店0刺, 無時間, 又花多眼亂, 所以我地只係睇左幾間就決定, 分別响兩間舖頭買左5盞燈, 連埋上次响深圳買0既野, 決定好7/28到港...