再黎深圳搜索傢俬之行

7/24

好唔舒服, 聲都變埋...

但今日行程緊密, 絶對冇機會比我鬆懈...

妹妹要去游水, 因為SENS今堂黎影相...
之後同老公再去深圳, 計劃之後再去探婆婆...

因為冇相熟0既兌換店, 我地响上水唱, 又真係高少少喎...

今次主要買餐枱, 燈同埋窗簾...

先去B&Q, 0個度好大好大, 但D野好似唔多岩我地, 餐枱得好少款...

再行金海馬, 老公睇中好多款, 全部都係款靚, 但較大張同冇得伸縮的...
我意願剛好相反, 師奶都係想要D實用D, 又對小朋友安全D0既...

結果係我勝出, 响家之福買左一張可以變圓枱0既款, 雖然唔係太靚, 但實用喎...


夾埋4張椅, 款式任選, $1600人仔, 後來我响吉之島見到同款0既淨枱(淨黑色的)都要$4299呀...

 

轉戰田貝四路, 响家合居米蘭軒訂左窗簾, 老細好有禮貌, 又夠PRO, D窗簾款都幾靚...

然後再買燈, 哎呀, 己經7點幾, 去唔切醫院了, 激死...
家合居太多燈飾店0刺, 無時間, 又花多眼亂, 所以我地只係睇左幾間就決定, 分別响兩間舖頭買左5盞燈, 連埋上次响深圳買0既野, 決定好7/28到港...

EASY依時搬運

7/23

今朝b仔介紹的EASY搬運攞左40個紙箱黎兼MARK野報價, 之前响電話初步報係$1200, 後尾睇完之後可能我地都係箱頭多, $1100就OK, 佢地都算幾老實...

我地好多垃圾舊傢俬要掉, 佢地話要$2200, 嘩, 掉垃圾仲貴過搬屋咁多喎...

佢地有兩個人上黎, 態度好好, 雖然有紋身, 但講野好斯文, 搬屋公司0既人响我心目中係同小巴司機一樣好兇惡0既, 今次印象唔同哂, HEHE....

英藝家長日

7/23

今日係學期尾0既家長日, 應該係我地最後一次到英藝幼稚園, 我心情有少少沉重...

响課室出面等緊見老師, 影張相先...

幾開心!!

輪到我地0刺, DARRYL話妹妹响學校好開心, 成日同嵐嵐, 蘇子晴為伍, 就算STORY TIME要自己攞櫈仔出去, 佢地三個都會好自然地坐埋一齊...

DARRYL話妹妺從來都唔會同人爭野玩, 唔會主動同人發生爭執, GOOD GIRL!

不過佢就唔會主動同DARRYL講好多英文, 不過考ORAL時都講到 (咁都好D! HEHE)
以後都唔見到0刺, 黎張合照先...

呢個同學仔都會轉校0刺, 佢轉去寶兒... (同學仔個樣好乖, 好女仔呀!! 相比之下妹妹變左個街童咁, wakakakaka!!!)

妹妺最喜歡0既PLAYGROUND, 今次比你玩耐D啦!!! 唔捨得呀, 個PLAYGROUND好靚好乾淨...

响大堂的一個角落...

咦! 乜原來有個醫療室架? 我從來都冇發現添...

搵到陳主任0刺, 合照先, 妹妹幾HAPPY!!!  即刻交換左FACEBOOK.... 陳主任見到妹妹比蚊咬, 仲即刻去搵野幫妹妹搽添...

玩左好耐先肯走喎...

離開學校, 妹妹拖左我入富山食LUNCH, 我叫左呢個銀鱈魚定食比佢, 佢將成塊肉食哂呀, 好勁, 哈哈!

食飯期間, 睇睇妹妹今次0既成績, 因為媽媽忙, 完全冇幫過妹妹溫書, 所以都唔敢期望咁高0刺...

不過, 竟然今次成績比上次好喎!! (又會咁0既???), 中英文都有100分, GOOD!

經過又要求去MCDONALD食雪糕, 不過最終都係媽媽食左大半囉....

DA契契的禮物

7/23

尋晚DA契契送的貼紙簿, 好靚呀!!

媽媽同妹妹玩左好耐~~

扮BB

7/21

距離搬屋只有十日時間, 係時候開始執下野0刺...

屋企0既兩張BB床, 家姐叫左人聽日黎收...

先將妹妹以前訓過0既一張搬去廳, 妹妹話佢要訓喎, 真係貪得意, 仲話今晚要响呢度訓, 我抱住佢比佢扮BB, 要重拾一下美麗0既回憶...

今晚用左D時間PACK左三箱, 繼續努力!!

半晝假

7/19

今日安排左自己放半晝假去新屋收野, 睇黎之後都仲有好多假要攞呀...

先收左洗衣機 (送左個煲)...

然後抽油煙機...

見煤氣爐未到, 先去BURGER KING歎個LUNCH先...

煤氣公司打黎, 話三點前會到, OK, 我大約兩點九就返到上去0刺...

無無聊聊, 影下相先....

一路等一路等, 又冇椅坐, 又冇冷氣, 電話又傾到冇乜電, 差唔多4點0刺, 都仲未到, 打比佢地, 佢地話响樓下執緊貨, 好, 就信你一次!!

再等多十五分鐘, 仲未黎, 再打, 態度差到不得了, 大佬呀, 你遲左成個幾鐘喎!!

好嬲! 準備就緒, 我要鬧爆你呀!! (不過.... 得我一個女仔, 會危險嗎??)

正當我想打去煤氣公司投訴時, 佢地就到0刺...

一開口, 我當然起哂鋼啦!!!!! 但係....

個男仔, 唔好意思前, 唔好意思後, 全身濕哂, 做到面都紅哂, 我道氣當堂冇左....

算吧, 點收D貨先....

熱水爐同乾衣機都冇錯, 唯獨係個煮食爐, 我明明係要TGC, 點解會黎左個SIMPA??

個男仔話係因為怕唔夠穩陣, 所以用多個盒封住, 哦, 原來係咁...

但我圍住箱野行左個圈, 點睇都仲係好懷疑....

另一個比較高級0既岩岩黎到, 哦! 佢就係頭先態度好差0個個呀!!!!! 但而家態度又好好, 唉!!!

佢話如果我要拆開, 到遲D裝0既時候有爛佢地唔會負責... ICIC.. 但我都係想睇下!!

一開之下, 個爐真係SIMPA, 仲要係舊式0個種, 嘩! 唔係卦, 你講到似陳陳, 我真係差D比你呃到喎...

到等佢地落去攞返個岩0既上黎, 又等左我幾個字....

原本以為可以五點前到醫院, 最後要六點先到, 激死....
P.S. 今日婆婆精神好似麻麻地咁喎...

買鎖

7/18

今日個腦好亂, 做唔到野添~~

老公早過我放工, 去左魚旦仔叫我地去0既浩男度買鎖, 好得意, 舖頭名叫浩男....

放工去旺角搵佢, 一齊去dsc睇下餐枱, 可惜之前覺得ok的都己經冇左lu....

再去金華冰廳食dinner先, 呢間餐廳我想食好耐, 因為OR好多好評架...

可惜... 十萬個失望, 都唔明點解會有好評囉...

過對面搭VAN仔去紅磡村, 好快就到!!

放低D鎖...

房門鎖及廁所鎖.. (不過後來發現呢隻鎖麻麻地, 個廁所而家好難鎖呀..)

大門鎖...

咁耐都好似冇乜時間影相, 趁今晚影低D動工0既痕跡先...

廚房 - 拆左D喉...

拆左道門...

做緊野0刺...

吸咀 - 白色幾靚呀...

間左房...

廁所 - 一睇之下, 大件事, 發現原來個大花灑裝唔到, 因為有個窗阻住, 哎呀! 真失策!!! 小強話聽日幫我地同大陸間舖頭傾睇下可唔可以換齋花灑, OH... 真失望...

婆婆好大進展!!

7/17

由皇崗搭巴士去元朗只需要20分鐘, 好快呀!!!!

見到婆婆0刺, 佢好精神喎! 可以坐响度, 可以唔用呼吸機, 可以食野!!!!!

今朝除呼吸機時, D姑娘都拍哂手, 個個都話婆婆好叻!

婆婆好精伶呀, 因為對眼睇到野, 好開心呀!!!!

探完婆婆, 我地去左細妹介紹0既泰潮食飯, 等左好耐呀....

大舅父係素食0既, 問下d waitress有咩係素食先...
你估佢點答?????

"可以食海南雞...."

我知我應該係碌大左對眼囉, 哈哈.... "海南雞都算素食??????"

"一係扎肉沙律啦...", 我心諗: "小姐你玩緊我地嗎????"

最後, 我地叫左菠蘿炒飯, 問得好清楚, 係冇肉0既...

碟野黎到時, 面頭有一層厚厚的肉鬆, 同佢地講, 佢地大大聲嗌入廚房:"原來肉鬆都唔要架!!!"

深圳搜索傢俬之行

7/17

今日約左比較熟路的小強同我地上去深圳買傢俬, 約左佢十一點响落馬洲關口等...

妹妹知道我地要自己出去好唔開心, 成日話好眼訓要我抱住, 好可憐啊!!

今次我地目的係電視柜同洗手盆柜, 响香港睇左好多都唔鍾意, 希望今日搵到啦...

傍晚仲要趕去探婆婆, 我地行動要快, 睇到岩就好買0刺!!!

先去田貝四路家合居, 第一間入去0既舖頭我地就即買左個洗手盆柜, 鏡柜, 同埋三個水龍頭+花灑, 好快啊! 不過可能人地睇得出我地會買, 唔肯平得多, 最終價錢比香港平大約三分一, 但款就靚D0既...

之後再過去寶安北路, 原來同人地講筍崗會好D喎...

淨係家之福都有幾幢, 我地買左個電視柜, 講左好耐都要RMB1500...

行行下, 打比媽咪問下婆婆情況先, 媽咪話婆婆己經除左呼吸機, 又可以開始食野, YEAH!! 之前醫生話呢兩三日好關鍵, HEHE, 似乎婆婆向好0個面呀!!

任務完成, 都只係四點, 我地响關口間茶餐廳食完野就趕返落去0刺...

似邊個??

7/17

聽嫲嫲講, 尋日妹妹同左姑姨婆去MCDONALD買開心樂園餐, 換左隻功夫熊貓, 但佢"黎"手就送左比個唔識0既姐姐, 仲同人地講佢自己已經有, 所以送比人...

其實, 佢不嬲都驚功夫熊貓, 我諗佢係唔知而家輪到換呢隻, 唔小心換左...

嫲嫲話邊有人咁蠢, 我就幫住妹妹, 我覺得唔係, 我覺得好醒喎! 哈哈! 於是嫲嫲話梗係似左我...

生記山西刀削面

7/16

探完婆婆, 大家到元朗0既生記山西刀削面度食晚餐...

我全日冇食過野, 而家係第一餐, 好肚餓啊!

酸菜魚 - 好好味, D魚好滑, 不過好多骨...

清炒萵苣絲 - 平時好少會食到, 唔錯呀...

最鍾意食個蘿蔔, 好好味, 又冇渣...

蒜泥白肉 - 我不嬲都幾鍾意呢味餸, 呢度做得好好食!

手撕鷄刀削面 - D面煙煙UN UN, 我覺得好好味呀!!

唔知係咪肚餓, 我呢餐由頭帶到落尾, 失禮哂~~

見到婆婆了

7/16

去到醫院, 我地己經有十幾人响度, 連沙田姨同阿妮都黎左, 有心...

我最冇用, 一見到婆婆就忍唔住喊, 見佢戴佢呼吸機, 佢一定係好唔舒服了, 好心痛啊... 好彩婆婆合埋眼見唔到我, 我要出一出去定一定先, 唔可以比佢發現我喊呀...

媽咪話佢今朝係迷迷糊糊的, 但而家己經講到野, 個唇有返D血色, 咁都安心D....

不過仲未可以食野呀...
婆婆覺得戴住個呼吸機好唔舒服, 好熱, 明白的, 包住成個頭, 但你要忍耐下呀!!

婆婆問妹妹响邊, 我打左比奶奶搵妹妹, 妹妹好乖, 响電話度不停叫太婆, 太婆好高興啊!

STAFFORD迎新日

7/16

大家心情都麻麻, 妹妹見我唔開心仲成日話眼訓想逃避...

夠鐘要去學校了, 要精神一D呀, 希望妹妹鍾意呢間學校啦!

去到未夠鐘, 我地响出面PLAYGROUND度玩下先...

到課室聽主任講解返學0既準備, 呢個又係叫陳主任喎...

小朋友一齊出去玩遊戲...

玩爭"登"仔..

唱歌時間...

妹妹似乎玩得幾開心喎!!

嚴重...

7/16

朝早媽咪打比我, 話婆婆好嚴重, 醫生話佢心跳好慢, 可能隨時會停...

醫生問如果係咁, 我地要唔要搶救, 大舅父答唔救, 開頭我覺得要爭取, 但同醫生傾完之後, 都覺得搶救(做心外壓同插喉)只會加大婆婆0既痛苦, 做心外壓有機會斷胸骨同爆肺, 插左喉亦會好痛苦, 甩喉機會好微, 聽完之後我都讚成大舅父決定...
不過醫生話暫時0既治療方法都有效, 佢地幫婆婆打去水針, 打擴張血管0既藥同提供呼吸機, 如果再嚴重的話會打強心針, 醫生話未來兩三日好關鍵, 希望婆婆冇事啦!

好唔開心, 除左喊我仲可以做D咩??

仲要同妹妹去新學校, 點算呢??
老公今次真係好好, 即刻幫我搵左雅兒姨幫手去學校搵我, 幫我湊妹妹返屋企, 等我可以早D去到醫院...

婆婆入院

7/15

婆婆做完手術後, 朝早開始好喘, 傍晚就入左醫院...
媽咪話婆婆好得意, 平時都訓唔到, 但做手術前0個幾日不停訓, 又冇喘過, 到做完手術先開始喘, 希望佢冇事啦...

柜 FOLLOW UP

7/15

放工過去阿蟹公司CONFIRM埋柜0既呎吋, 佢話可以趕得切月尾之前到, 真好!

婆婆手術成功

7/14

今日婆婆做左白內障手術, 好成功呀!!

做緊手術時, 媽咪佢地個個都好緊張, 好担心婆婆做做下手術會氣喘, 唔舒服... 幸好一切順利!!!
希望婆婆可以快D清清楚楚咁望到我地!!

花盃

7/14

呢餐飯拖左好耐先約得成, 大家都好期待啊!
先黎唔知咩魚刺身...

再黎帶子, 拖羅同銀雪魚刺身, 銀雪魚刺身我第一次食呀, 都幾好味!

今次大家有飲酒, 個SAKE杯好靚...

好大隻鮑魚呀...

勁大隻蝦!!

我至愛 - 蠔!!

SAKE加紅酒, 正!!

宮奇和牛, GOOD GOOD GOOD!

仲有鵝肝添!!!

最後仲有炒芽菜, 炒飯同心太軟, 飽到食唔哂, 好滿足!!