12/19
今日係學校旅行日, 妹妺早個幾兩個星期己經成日唱住旅行歌0刺...
我地同埋嫲嫲三個人去...
旅行歌歌詞, 比家長一齊唱...
中文版旅行歌, 我終於都知妹妹唱咩0刺!! (妹妹, 係回歸紀念塔, 唔係回"雞"紀念塔呀!!)
原本第一站係嘉道理農場, 仲諗住撞下SOPHI添, 因為佢個女學校又係去旅行, 點知行程臨時改左... 可惜...
第一站 - 大埔海濱公園, 小朋友企哂出黎聽老師講野...
第一個遊戲, 彩虹傘, 係咁0既名嗎?
算係咁, 玩玩下都識搵下媽媽先...
第二個遊戲, 垃圾分類, 原來妹妹己經學識藍廢紙, 黃鋁罐, 啡膠樽, 小朋友好叻呀..
大家唱下歌, 跳下舞先... HOT POTATO, 曾幾何時妹妹都好鍾意的...
我地响呢個位影團體照, 可以影到回歸塔...
小朋友好開心, 手拖手...
妹妹大個左, 對媽媽鏡頭0既敏感度高左啊...
昆蟲屋, 我住大埔咁耐都未去過....
第二站係科學園, 我地食BUFFET, 但係一個冇野食0既BUFFET, 我地個個都冇乜點食... NO GOOD!
等車去下一站時, 小朋友响草地奔跑, 妹妹跑左兩下, 返轉頭同我講佢去玩一陣, 叫我企响度等佢..
第三站 - 嘉道理農場, 都幾多野睇...
但係部4S真係好食電, 而家得返唔夠10%, 唔影得太多相0刺...
一路都係行下, 食下零食, 又排排坐玩下... 妹妹從未試過行咁多路架...
同兩位班主任合照...
MR. JAMES
MISS FUNG...
回程時, 响車度抽奬, 妹妹好好彩地抽到個玩具, yeah!!
返到屋企, 急不及待拆左黎玩0刺...
MY GOD!!! 約左8:15食飯, 我竟然由7:00睇中醫睇到8:35....
馬師傅又幫我放左個袋, 冇電話聯絡唔到...
好彩佢地醒目識自己去, 如果唔係....
去到想試好耐0既生記茶餐廳... 呢間野日頭係茶餐廳, 但6:00之後就會變成膏蟹專門店, 好得意...
佢地唔係叫左好多野食, 但原來一夜左D好味野就會賣哂....
蜆肉春卷, 係因為蠔春卷賣哂, OH... 我下次一定要食到蠔春卷!!
我地8個人只叫左個細蟹粥, 再叫時已經賣哂!! 個粥好好味, D膏真係煲哂落D粥落, 唔似其他水蟹粥, 蟹還蟹, 粥還粥...
炸丸, 冇乜特別...
蟹飯, 都唔錯, 但我鍾意蟹粥多D!!
食完大家都覺得唔太夠飽, 所以去左寶石戲院隔離0既新忠記打冷...
呢條馬友, 勁好味, 好滑, 又好多油, 而家諗起都想再食!!
鵝腸, 其實我係第一次食, 又比想像中好喎..
煎蠔餅, 其實阿JOE已經買左一碟去生記一齊食, 因為好味, 再ENCORE...
辣酒煮花螺, 都幾辣, 份量好多, GOOD...
勁呀, 一晚食左兩餐呀!!
11/26-27
奶奶同阿MAP佢地相約呢兩日入大澳玩, 佢0既大澳朋友仲租左間棚屋比我地, 所以我地全部人都會响大澳訓一晚...
妹妹一早就跟左爺爺同嫲嫲入去先, 我等埋爸爸先一齊入...
趁屋企冇人, 執下野先...
好攰啊.... 等埋老公放工去到東涌已經10:00
我地搭10:30車入去...
去到11:00, 嘩, 好夜呀... 妹妹仲好精神....
佢地釣左條好大0既魚呀...
仲準備左隻鴨黎BBQ, 睇下! 李梓丹幾好戲, 真係好似好出力咁喎...
鴨同魚BBQ, 正.... 不過隻鴨就有排燒.... 聽聞佢地燒到6:00, 但最後都冇人食...
呢次入黎係慶祝奶奶生日....
後來因為妹妹好眼訓, 我地要先返棚屋休息, 間棚屋好大喎, 我第一次住....
就訓响呢度.... 講真.... 真係成晚都訓得唔好... 成日好似好痕咁, 唔慣呀...
第二朝起身.... 個景又幾OK喎, 好RELAX....
我地離開棚屋之後就响大澳朋友駿義龍體育會打躉....
呢D係佢地呢兩年扒龍舟得到0既奬, 好勁呀, 佢地已經夠資格做香港代表... 其實好想上去佢地上層睇下佢地其他關於扒龍舟0既野, 但講左幾次爸爸都冇同我上去, 可惜...
由我一到達, 妹妹已經話要帶我去睇白雪公主, 哈哈... 原來係咁0既..
先去財記食早餐, 嘩, 佢D野好貴架, 假日仲要係冇早餐食, 要散叫....
但貴得真係有道理, D面包勁薄, 好脆, 好好味!
然後我地出發去寶蓮寺, 沿路講起天葵茶, 我話我未飲過, 慧慧幫我跑返轉頭買, THANK YOU!!
爸爸渣車, 沿路見到有牛, 妹妹好開心....
然後爸爸返轉頭接嫲嫲佢地黎, 我地就周圍行下先啦...
昂平市集有泡泡, 岩哂李梓丹....
响九份手信店買的, 妹妹好欣賞個鐵蛋....
食埋豆腐花就返大澳, 開始我地0既HOT POT, 日光日白打邊爐, 我好似第一次囉...
呢隻八爪魚係新鮮的, 拖一拖就食, 好味到不得了...
佢地仲買左好多海鮮, 蝦, 蟹, 扇貝, 墨魚等等... 由於太好味, 我真係冇停過口, 好唔客氣係咁食係咁食, 真失禮...
仲有呢個青蝦, 貌似賴尿蝦, 但原來係唔同0既... 有幸食到一隻, 好甜好好味呀...
出發去睇白海豚, 大澳朋友載我地出去, 真好...
大海茫茫, 唔知我地好唔好彩呢??? 架船越開越快, 我就驚驚地, 但妹妹一D都唔驚, 仲HIGH到不得了...
可惜, 白海豚匿埋左, 今次無緣睇到, 不過沿路睇下風景都幾寫意0既...
呢間就係尋晚訓0既棚屋...
跟住我地再行去買茶粿食, 沿路日落0既風景好靚呀...
呢個茶粿入面係豆黎, 我唔太鍾意....
沿路見到好多人買, 又買旦撻同沙翁食, 我突然好似有十個肚咁...
其實跟住係再食左薑汁撞奶, 又係好好味架喎...
食飽飽, 係時候要走0刺...
碼頭都好靚....
