金潮

尋晚去左葵芳同老公食飯, 試左前兩日報紙介紹0既金潮, 一心諗住都唔方多人得去邊, 點知門口人頭湧湧, 我地等左差唔多半個鐘先有得食....

好可惜, 枱枱都有order0既花甲湯岩岩好賣哂, 好想喊呀!!!

呢個係鮑汁雞腳, $30有六隻, 因為太肚餓, 所以食淨一隻先有心機影相...

冇花甲, 唯有試試蟶子湯, $58比花甲貴10蚊, 湯同一般胡椒湯冇分別, 如果多d胡椒會仲好, 而蟶子就比佢煲到冇哂味, 不過有好多架, 廿隻都有呀!!

醬汁排骨, 味道幾好, 老公好鍾意食, 不過我就一般, 好大煲, 兩個人食真係有d吃力, 我食左大約3-4舊, 最後比老公食哂, 勁呀!!!

呢個黃金蝦係佢地0既招牌菜$68, 滿心期望, 點知d蝦好細隻, 好一般咋喎!

加埋兩支汽水, total $214, 飽到不得了, 老公話下次要同老爺奶奶一齊黎....