尋日奶奶同我地一齊返PLAYGROUP, 因為之後我地要趕去齊齊0既生日會... 照舊我同爸爸一齊同妹妹玩, 奶奶就坐响側邊, 嫲嫲响度, 妹妹有救星, 完全唔專心唔投入, 不停去搵嫲嫲, 咁嫲嫲唯有落街行下啦, 點知妹妹都依然成日指住度門嗌嫲嫲, 唔肯玩...
放左學同嫲嫲响樓下會合, 跟住就趕去齊齊0既生日會0刺, 我地3:15離開學校, 但人地生日會4:30就完, 我地趕頭趕命由佐敦去到葵興, 再搭的士去到荃灣沙咀道0既MC當當....
妹妹仲細, 唔識同小朋友玩 (其實我覺得妹妹根本就唔鍾意同小朋友玩), 我地都係坐响度食下野, 之後嫲嫲去九龍城揼骨, 我地一家三口就去CITYWALK行下....
趁機比妹妹練習下, 佢都不知幾開心, 又唔肯比人拖, 要自己行, 商場地下都仲OK0既, 街就唔好0刺, 因為佢仲未行得穩, 隨時仆低.... 練習左一陣, 佢好似己經有少少進步0刺, 有時可以行好長0既路(我認為好長囉..)都唔跌低, 努力呀妹妹!!! 你好快就會成功0架0刺!!!!
不過離開商場之後, 妹妹都堅持要落地行, 勁扭計, 又係好難對付架.... 攪到我同爸爸兩個勁攰....
係喎... 唔記得講, 方方都己經收左妹妹0刺, 輝舅父今日幫妹妹去交留位費, 唔該哂呀!!!!
沒有留言:
張貼留言