去健康院

尋日打左一日都打唔到去健康院, 今朝終於都打到0刺....

兩點鐘我地去到健康院, 因為收左水, 妹妹由3.045KGS跌到落2.95KGS, 好彩姑娘話係正常0既...

去到示範室, 姑娘話我未上奶, 姿勢又唔正確... 其實我明明尋日己經上左奶, 點解而家又冇左0既?? 都幾沮喪架... 姑娘話要每餐補1.5安士奶粉.... 同埋妹妹有少少黃, 兩日後就返黎再跟住...

返到屋企, 媽咪己經到左, 媽咪都好緊張妹妹, 所以咩都要問, 咩都CHALLENGE一餐, 可能心情唔好啦, 對呢D你一句我一句...我突然覺得好煩呀!!!