魚BB長大了

孔雀魚BB終於兩個月了, 我地決定將佢地放入正式的魚缸, 試下同大魚一齊生活!

有一條比較弱0既BB早幾日死左, 好可惜, 佢無緣去到大人0既世界...

將16條BB放落魚缸, 好攪笑, 可能佢地慣左响個細玻璃兜生活, 落到魚缸佢地都係堆埋一齊, 個範圍就同個玻璃兜一樣...

而呢條斑馬, 因為品性太兇殘所以比我地隔開左...

B仔雞亦尖

B仔雞亦尖係婆婆好鍾意食0既, 我地以前都成日買比婆婆食, 而家自已整, 一路整一路回憶起婆婆, 唔知佢而家點呢?

好想整好耐0刺, 趁今日早早地可以去街市買雞亦尖, 希望成功啦!

其實真係超容易, 只嫌唔太夠辣, 唔鍾意食辣0既人士就岩哂0刺...

小小愛莎公主

  今日去同太嫲飲茶, 妹妹話要著條愛莎裙, 我嘗試幫佢紮條愛莎辮, 小公主好滿意!

愛莎裙

妹妹真係好瘋狂鍾意愛莎...

其實買呢條裙比佢都唔係因為佢鍾意咁簡單, 我見佢畢業禮冇得著靚靚裙跳舞會唔開心 (定係我一廂情願, 只係我自己覺得失望???), 所以响GMARKET買左呢條愛莎裙比佢, 當保贘一下吧!

條裙都唔算好平, 未計運費要二百幾, 不過質料就非常好, 仲要比我預期靚好多喎!

今晚, 妹妹就著住黎表演let it go!

新大光燈

大光燈係紅磡名物, 可惜响我搬到紅磡後就執左0刺 (我一次都未食過~~)

三年後, 好開心新大光燈响必嘉街出現了, 今晚只有我同老公二人晚餐, 可以去試下...

我的雲吞面, 面質好爽, 雲吞細細粒, 好好味, 但可以食唔慣咁爽0既面, 個胃痛左成晚...

老公0既牛腩撈, 賣相幾吸引呀!

烏龍的白酒煮蜆

今晚煮乜餸? 不如試下ANNE教的白酒煮蜆吧!

離開街市先發現唔記得買蔥, 唉, 算吧! 應該影响不大吧!

呢個乾蔥, 切出黎點解唔似洋蔥會散開0既? 咁奇怪???

煮完出黎, 爸爸話呢D係蒜頭喎! 下! 原來我買錯左! 好烏龍呀! 初哥煮餸真係咩都會發生架! 哈哈!

好彩, 呢個烏龍並冇影响D蜆0既鮮味, 好味道!

好多蚊的歌連臣角

今日我地提早去歌連臣角同婆婆做節, 因為之後阿佳要去北海道, 唔得閒了...

冇為意, 天氣開始熱, 歌連臣角紀念花園會好多蚊, 出發時我地只噴左香水, 去到都頂唔住, 一陣間妹妹就比蚊咬左十幾粒, 我唯有帶佢走先啦...

妹妹真係大個女0刺, 只有少少扭計, 痕到咁, 粒粒蚊癱都起碼一毫子咁大, 比我都扭計呀!

要舒緩妹妹0既唔舒服, 最好方法就係食麥當奴!

BANILA + WHOO

今日收到GMARKET0既PARCEL, 好開心呀!

有好多人都話好用0既BANILA FINISHED POWDER, 佢仲送左我好想試0既落妝膏, 真係好!

仲有買左4款WHOO SAMPLE, 又係好抵呀!

今次仲買左兩條衭同一對鞋, 網購幾時都咁開心!

通達

通達長期都好多人...

最好味係咖喱魚旦, 不過價錢就係唔平, 成9蚊一串!!

糯米飯都好好味, 不過我減緊肥, 每樣只食左少少咋...

RAINBOW LOOM

潮流興RAINBOW LOOM, 爸爸講左好多次, 終於尋日我地買左0刺...

預計妹妹應該唔會識織, 點知出乎意料之外, 佢竟然一學就識, 仲要有心機織哂成條喎!

桃紅加白色好靚喎...

玩左兩日, 織左唔同款, 妹妹仲織左兩條送比JOEY同CANDICE添..

五一勞動節的約會

個BLOG開始甩0刺, 要加油呀!

 

朝早妹妹跟左嫲嫲去唱K, 下晝趕返黎同我一齊去丁丁屋企玩...

 

ANNE姐姐一早已準備定整MUFFIN的材料, 我地今日整兩隻味, BLUEBERRY & CHOCOLATE, 買二德惠的預拌粉, 又簡單又好味... 不過兩位小姐整整下去左玩玩具, 淨返D大人响度整, 哈哈...

 

嘩! 豬豬BLUEBERRY MUFFIN出爐, 好味道!

 



 

CHOCOLATE MUFFIN加入提子乾, 妹妹好鍾意, 仲拎左兩個返屋企!

 

ANNE煮餸好叻, 我偷師學左兩款呀!

 

 

KINDER魔雪奇緣出奇蛋

近兩個星期, 都唔知行左幾多次反斗城同百佳, 連淘寶同YAHOO拍賣都搵埋, 都係買唔到...

點知, 多得我不屈不撓0既精神, 今日响MEGA BOX反斗城終於買到0刺!

知道妹妹一定好開心, 連自己都開心埋一份! 哈哈!