老師欣賞你!

尋日老師响妹妹手冊度蓋左個印，稱讚妹妹樂於助人..

原來呢啲印係唔容易攞架，班上只有兩個小朋友攞到，所以... 妹妹心情好好呀！



不過... 呢個印得來不易，妹妹經常比老師調去需要幫助嘅同學隔離，妹妹雖然好願意幫忙，但有時媽媽都希望佢真係要顧得掂自己先好呀！

第一次跑跑跑

一直都好想跑下步，做下運動..

由4年前响大埔住，直至搬左黎紅磡，一直都只有諗同講，真慚愧...

今朝終於都有機會喇，因為妹妹今日開始返學校嘅小提琴班，我可以用呢一個鐘去海濱跑下步..



今日開始涼涼地，朝早唔晒，又有啲風，跑步一定好舒服啦…

我的第一次，半跑半行了23分鐘，出一身汗，感覺唔錯呀！

期待下個星期再跑!

早到的生日咭

尋晚返到屋企，妹妹即刻攞左呢張咭比我..

整得幾靚喎，原來係課外活動堂老師同佢地一齊整嘅。

雖然送早左足足三個月，但好開心嘅係妹妹第一時間都係會諗到送比媽媽! ^^

不受人騷擾大獎

尋晚妹妹話佢得到一個獎...

好特別... 不受人騷擾大獎....