奬勵

前幾日得到同事相贈的FROZEN公仔, 好靚啊!

 

不過一直都冇帶返屋企, 因為呢排覺得妹妹有D唔聽話, 似乎MISS JENNY講0既調整期真的出現了...

 

今日見妹妹有好成績, 一於攞返屋企奬勵下佢啦!

 

學期尾成績表

今日下晝做緊野時, 收到JOEY媽咪0既WHATSAPP, JOEY錄左MSG恭喜丹丹, 跟住就收到佢SEND黎0既相0刺...

 

 

睇左一陣先敢相信, 竟然妹妹攞到中文學科奬???

 

好感動! 呢三年, 我都冇強逼妹妹考試溫書, 每次都係求其溫下就算... 雖然呢個考試確實係溫多左, 妹妹大個左亦肯溫多D, 但都冇諗過攞獎呀!!!

 

心情尚未平伏, 再諗諗, 既然攞到中文學科獎, 可能今次有名次喎! 只有頭10名先會SHOW响成績表, 好期待!

 

妹妹電話黎0刺, 原來佢攞第五名呀! 真係恭喜哂呀!

 

有幸可以出席7月2日0既頒獎典禮, K3學期尾攞到獎, 真的特別有意義!

 

 

 

畢業証書

好興奮, 學校今日派發畢業証書, 返到屋企睇到, 真係愛不釋手!

 

班相中, 妹妹有幸坐响最前行中間位, 好搶鏡, I LOVE IT!

 

 

除左呢張大相, 學校仲晒左幾相証件相SIZE比我地, 咁我地每個屋企成員都可以有一張呀! 如果唔夠仲可以用學校附送0既CD再去沖晒, 真好!

 

 

珍貴0既畢業証書, 見到真的有點感觸~~

 



 

珍貴的禮物 - KOKKO & MAY

 

JOEY係妹妹最好0既朋友, 就黎畢業, JOEY要買定佢自己最喜歡0既漫畫書比妹妹做生日禮物, JOEY細細個就識對朋友咁好, 實在難得!

 

呢套漫畫可以學英文之餘, 又可以教導小朋友德育, 非常好呀! 好多謝您地呀!

 

萬眾期待的幼稚園畢業禮

四年幼稚園生涯話咁快就要完結, 做媽媽0既感慨萬分, 但似乎當時人就冇乜大感覺喎...

雖然未知分離係D咩, 但為左個畢業禮, 佢每日响學校練完舞, 返到屋企都起碼練兩三次, 真係好認真, 抵讚!

呢個小農夫0既裝扮係我好認真咁搵返黎架, 乎合學校要求又不會太boyish... 不過化粧方面, 我始終唔太接受到好濃妝, 化完出黎影相唔多覺喎...

12點帶左妹妹返學校綵排, 我同爸爸响沙田食個lunch, 再慢慢過去沙田大會堂等入場...

爺爺嫲嫲都好想去, 好彩我同學校爭取到多兩張入場劵, 如果唔係妹妹就難做了...

畢業典禮0既場刋...

 

我地都算幸運, 被編到第七行,  都算好前呀!

每班揀選一位代表接受校長頒發畢業証書, 我地班由柔柔代表...

三位代表分別用廣東話, 英文及普通話致辭..

每位畢業0既小朋友都有機會演出, 總共有11個表演項目, 好豐富!

除左小朋友, 老師都要表演, 真係辛苦哂!

等到頸都長, 終於到我地STAFFORD表演0刺! 我地有兩個表演項目, 第一個係WALTZ, 好華麗!

第二個項目, 係用兩首經典童謠作背景音樂... STAFFORD家長即刻舉機!

 

到妹妹表演0刺!  佢係最右面嗰個!

走位都中間...

 

 

 拍了短片, 但不太清楚, 好彩學校九月會比返D碟我地留念..

大家都跳得好好呀! 勁!

再到其他表演..

畢業禮完滿結束, 同朋友拍照留念...

臨走時見到好朋友...

小一叩門 - 紅馬

今日係小一叩門最後一擊, 原本收到聖家來電通知去考筆試, 覺得好開心, 因為妹妹終於可以考筆試, 我一直覺得妹妹考筆試會著數d...

可是, 同日又再收到紅馬來信通知去面試, 心情即刻變得複雜起黎, 如果冇得選擇我會感覺好好多喎...

爸爸意見係去紅馬, 因為近屋企.... 但面試其實真係衰梗喎... 點算?

我始終都係偏向聖家喎, 不過都有少少怕谷, 又要搭校車...

最後, 同學校主任傾過, 都係去左紅馬...

朝早8:40要到達學校, 撞岩橫風橫雨, 我地濕哂, 真係好怕妹妹會病, 影响下星期一0既畢業典禮呀...

妹妹同幾位小朋友一齊入左課室, 未到面試0既小朋友就坐响度睇書, 我偷望到妹妹好乖咁坐响度睇書呀, 問返佢, 佢話因為其他小朋友都係男孩子, 所以唯有自己睇書喎...

妹妹話佢全部都識, 不過講返個故書我聽我就真係唔多聽得明0刺, 哈哈哈!!!

點都好, 盡左力就好!!!

綁鞋帶

妹妹都要升小0刺, 都係時候學下綁鞋帶0刺...

估唔到, 教左佢兩次佢就識0刺, 好叻喎!

耀bday dinner @ 極尚大喜屋

極尚大喜屋好多好評, 所以趁今次阿耀生日可以去試試, 岩哂, 阿耀都幾鍾意食日式放題架...

一行十幾人, 有張長枱唔怕逼, 因為大家太似餓鬼0刺, 冇機會影相, 所以.... 冇相睇... :p

基本上d野食係ok的, 刺身厚切, 肥美, 食物款式多, 仲有haagen daz雪糕做甜品, 贊!

妹妹好鍾意呢個晴晴姐姐, 次次都會同佢一齊坐...

小一叩門 - 聖羅撒&新油天

前兩個星期交左表去七間小學叩門, 間間學校都係得幾個叩門位, 最多都係十幾個, 間間都有幾百人爭, 明白成功機會好微... 幸好我地已有一間小學打底, 而家叩門壓力冇咁大...

今日朝早已經有4間學校要interview, 撞哂期, 只好從中選兩間:-

聖 羅撒: 考學術口試, 小朋友跟老師入去, 大約45分鐘, 妹妹話有d識有d唔識, 英文要限時讀, 佢話已經讀得好快, 但都唔夠個計時器快, 哈哈! 見好多小朋友個樣都好醒目, 又笑容滿面, 我諗我地都係陪跑啦!  學校好有效率, 當日下午就call 2nd in, 不過冇我地份 :( 不過我地妹妹0既老友記Candice有份呀! 希望佢成功!!!

in完聖羅撒, 飛的過去新油天仲有大把時間浄, 仲可以去mcdonald歎個早餐先!

傻瓜唔比人影, 哈哈哈...

新 油天: 呢間又係好熱門, 聽聞收左7xx張表, 家長同小朋友一齊in... 妹妺一知道係一齊入去, 成個人鬆哂咁, 响課室出面已經係咁撩我玩, 攪我, 整古做怪, 一d儀態都冇, 真係比佢嚇親... 一直都知道妹妹面試表現唔會好, 所以只以係試一試0既心態去面試, 原來有媽媽响旁邊, 妹妹會變得好依賴, 結論是: 衰左!

雖然係失敗左, 但妹妹都有付出, 所以為左鼓勵佢, 我响新油天對面買左Elsa玩具比佢, 等佢開心下!

父親節飯@好知味菜館

聽朝妹妹要interview, 今晚就近揀左好知味菜館慶祝父親節...

訂左個杏汁豬肺湯, 唔記得影煲湯, 只記得影湯渣, HAHAHA...

 

片皮鴨都係要訂架, 妹妹好鍾意食!

 

士多啤梨骨, ok啦, 酸酸甜甜咁啦... 後面0既煄旦好味...

 

楝篤雞 - 影完相佢地會幫忙切埋件, 脆卜卜, 不過咸左d...

 

黃金豆腐粒 - 好滑好好味

 蛋散 - 好鬆化, 又不太甜, good!

煮飯煮到一頭煙

唔好睇少呢四樣好簡單0既餸, 要一路教功課一路煮真係唔簡單呀~~

已經熱, 講兩句唔明, 煎煎下魚餅都要熄火教左先, 教到忟, 越黎越高音, 越黎越大聲, 嚇到妹妹喊... oh no....

下次知道要做功課就唔煮飯了...

幼稚園生的紀念冊

今時唔同往日, 而家幼稚園畢業都會互相交換寫紀念冊...

妹妹好認真呀! 用左好多時間寫比同學仔... 讚!

寫手冊

小朋友就黎升小, 今日開始老師要訓練佢地寫手冊...

都算寫得清楚呀! 升小一後寫手冊應該冇大問題吧!