菜茶

8/25

隔離屋陳太有時煮左野會比D我地食, 呢個係佢家鄉野 - 菜茶, 我第一次食, 好好味呀!!!

K2的第二天

8/14

明明星期五晚我清到只有32個UNREAD E-MAIL, 唔返一日, 又有274個, 真係呆左呀...

好沮喪, 究竟幾時先忙完呀...

仲攞左2.5 HOURS去接妹妹放學, 內心極度掙扎, 究竟走好定CANCEL假期好?

最後.... HEHEHEHEHE... 我都係走左呀....

妹妹見到我好開心, 佢好似唔記得左我應承過今日都接放學...

見到同學仔响PLAYGROUND玩, 妹妹又要一齊玩, 但係.... 真係好熱....

熱到塊面紅哂... 我唔玩, 其實都一樣紅哂...

又要行一大段路去又一城搭車, 溶了....

問妹妹寧願搭校車唔駛熱定係媽媽接但要熱住行好耐, 妹妹仍然寧願媽媽接.... OKOK, 下一次會係妹妹生日....

真係橋, 老公都放工了, 佢幫我去放電話, 唉, 無厘頭我個mon又會有兩條花痕, 賣低左$250.....

其實有少少唔捨得部4S, 因為佢影相真係明顯好過S3架...

我今日只食左個杯面, 一路做野食杯面真係方便好多, 我都要再入貨先得呀...

好肚餓, 返到屋企整左燒賣同粟米食, 再食埋朱古力, 成個人飽哂...

一家人討論左好耐, 終於去左星洲名廚...

聽聞佢地都好多人幫襯, 所以我地打去BOOK定位...

肉骨茶, 有D藥材味, 但妹妹都肯飲喎...

海南雞, 有少少血, 但D肉都幾滑, GOOD

串燒, 好味...

香茅豬扒, 都係招牌菜, 果然係好好味喎... $35有咁大碟...

羊扒椰醬飯, 呢個比較遜色, 乾左D....

大家都食得好開心, 又平, 埋單$287咋...

再過隔離豬仔甜品...

 

P.S. 返到屋企, 奶奶話今朝妹妹同佢講媽媽會湊佢放學, 嘩, 好彩我冇留响公司做野咋...

K2的第一天

8/13

今日妹妹第一日返學, 大個女0刺, 升K2了...

應承左妹妹第一日湊佢返學放學, 開學頭兩個星期都同時要返埋暑期班, 時間有少少趕...

我未帶過妹妹返暑期班, 大個女, 識帶路了...

今年三個暑期班妹妹都鍾意返, 社交禮儀, 專注力訓練同敲擊樂, 妹妹都好鍾意呀...

返到屋企休息下, 再換校服落樓下食野先...

帶左妹妹去香港仔魚旦, 叫左紫菜魚角河同炸魚皮, 妹妹好鍾意, 叫我筆一碗比佢, 又話佢自己食就得, 叫我都自己食, 又話佢要食哂, 食多D, 強壯D, 高D, 又話會孭埋我, 又話以後唔駛抱, 嘩嘩嘩... 把口... 突然好似啷過油咁喎...

湊完妹妹返學, 有兩個鐘頭空檔, 去左又一城修眉+行街, 點知... 成個又一城, 一對鞋都買唔到...好沮喪囉...

再行返學校接妹妹, 天氣好熱, 好辛苦呀...

今年依然係MISS FUNG做班主任, 佢話妹妹叻左喎, GOOD!

妹妹同同學仔响PLAYGROUND玩左一陣, 見到佢地放完暑假, 個個都大個左, 好得意, 真係似個K2生, 唔似K1時個個ON居居喎...

全身濕哂, 好想搭的士, 點知放學時間完全截唔到, 又要行0刺...

做回鄉証

8/12

暑假最後一日, 我地去左中旅社幫妹妹做回鄉証, PLAN妹妹生日去長隆...

我帶左條新鏈, 妹妹話靚, 搶住戴...

到中旅社影相時, 哎呀, 唔記得除添...

做完証已經3點幾, 妹妹好肚餓, 我應承左買朱古力比佢, 包麥提莎, 食到尾, 成日話淨返一粒, 等爸爸唔搶佢0既, 點知原來一粒又一粒, 有好多次"最後一粒"囉...

我地去左華星冰室食左個TEA, 係一個好飽0既TEA... 妹妹食左好多呀...

 

再去先達買電話套, 原本我只係想求其買一個用住先, 因為已經响GMARKET度頂左, 不過老公堅持要買個好D0既, 於是.... 千揀萬揀, 揀左隻貓貓, 加埋保護貼, HKD160, 不過, 張保護貼又幾好喎, 真係唔容易多指紋喎...

大家都好飽, 去到黃大仙同阿嫲食飯, 我地都唔係好食得落...

P.S. 妹妹明明之前成日講想去長隆動物園, 而家話同佢去, 佢又驚呢樣驚嗰樣喎, 一時又話驚獅子會咬佢, 一時又話驚有鬼, 仲話去海洋公園就得, 哈哈哈...

阿姨生日飯@軍記

8/11

阿姨生日, 臨時臨急, 完全諗唔到食咩喎...

最終由阿姨自己提議...

媽咪都有JOIN呀...

軍記, 我記得N年前食過, 好唔好食就冇印象LU...

門面好舊, 但裡面又比想像中企理...

我地叫左幾樣招牌菜...

燒雞, 好好味, 忍唔住要ENCORE, 叫多半隻...

黃金魷魚, GOOD!

咕嚕肉, 好入味, 又唔太酸, 妹妹都食...

干煸四季豆, 唔係度度都整得好味, 呢度好OK呀...

南乳齋煲, 我冇食, 聽佢地講麻麻地...

椒鹽墨魚咀, 去左骨, 辣辣地, 佢地話送酒一流, 但我地冇飲酒都覺得好好食呀...

油鹽水花甲, 其實叫比妹妹食0既, 但唔知點解佢今次唔食囉...

  

買左東海堂柚子芝士蛋糕返屋企切...

SAMSUNG GALAXY S3

8/11

考慮左好耐, 終於決定換機, 其實好唔捨得部4S架, 因為影相真係靚...

PCCW今朝送左部S3黎, 好衰呀, 嗰個送貨員唔比我試機呀, 我又懵懵地, 簽哂D名先睇部機... 豬呀...

好彩冇乜事, 要快D將IPHONE D野過返落部S3度先...

泡沬

8/9

呢排變得好感性...

好好聽, 聽到眼濕濕...


陽光下的泡沫　是彩色的
就像被騙的我　是幸福的
追究什麼對錯　你的謊言　基於你還愛我

美麗的泡沫　雖然一剎花火
你所有承諾　雖然都太脆弱
但愛像泡沫　如果能夠看破　有什麼難過

早該知道泡沫　一觸就破
就像已傷的心　不勝折磨
也不是誰的錯　謊言再多　基於你還愛我

美麗的泡沫　雖然一剎花火
你所有承諾　雖然都太脆弱
愛本是泡沫　如果能夠看破　有什麼難過
再美的花朵　盛開過就凋落
再亮眼的星　一閃過就墮落
愛本是泡沫　如果能夠看破　有什麼難過

為什麼難過　有什麼難過　為什麼難過

全都是泡沫　只一剎的花火
你所有承諾　全部都太脆弱
而你的輪廓　怪我沒有看破　才如此難過
相愛的把握　要如何再搜索
相擁著寂寞　難道就不寂寞
愛本是泡沫　怪我沒有看破　才如此難過

在雨下的泡沫　一觸就破
當初熾熱的心　早已沉沒
說什麼你愛我　如果騙我　我寧願你沉默

最愛脆卜卜

8/4

阿佳去完台灣買左脆卜卜0既江記豬肉紙, 妹妺好識歎喎, 成包放响隔離一路睇電視一路食...

假日美食店

8/3

好耐冇見DORIS LEE, 今晚就三個人出黎食餐飯...

德國美食+德國啤, 正!