CANDY BDAY DINNER @和幸吧

7/27

今晚同CANDY慶祝生日, 黎左和幸吧...

個人攰攰地, 悶悶地, 我選擇了啤酒... HEHE

叫到成枱都係, 一邊傾一邊食, 好好味呀!

隻蝦好大隻!

之後壽星女請食發記甜品...

一覺醒來

很喜歡的一首歌...


每天都在憂鬱　相愛的　怕來不及深愛
每晚都像倒數　做錯的　怕沒機會悔改
眼看著鐘擺　一秒秒　沒打算停下來
直到陽光照常　照亮了　昏沉的腦袋
一覺　醒來　世界依然存在
一覺　醒來　末日並沒有來
既然是這樣　有什麼　還讓我想不開
早知道是這樣　為什麼　怕什麼意外
該愛的　就去愛　該有的沒有離開
想做的　就去做　不管有什麼樣的未來
胡思亂想　不如好好　活在現在
要笑得更豪邁　要愛得更恩愛　要對得起這世界的存在
要活得更痛快　要跟時間比賽　把錯失的贏回來
過去一點挫敗　都好像　世界末日到來
末日愛來不來　不應該　自己先垮下來
現在每一天　都當做　是意外賺回來
既然是賺回來　更應該　過得更精彩
該愛的　就去愛　該有的沒有離開
想做的　就去做　不管有什麼樣的未來
胡思亂想　不如好好　活在現在
要笑得更豪邁　要愛得更恩愛　要對得起這世界的存在
要活得更痛快　要跟時間比賽　把錯失的贏回來
要笑得更豪邁　要愛得更恩愛　要對得起這世界的存在
要活得更痛快　要跟時間比賽　等什麼　發什麼呆

神秘的LALA

7/23

 

原本係上次帶返屋企氹妹妹的, 但佢跟左嫲嫲去左飲, 所以我收埋左…  

後來, 妹妺望上柜頂發現左…

 

但佢睇唔到佢咩, 我叫佢估, 佢估係羊羊…

 

然後成日話想拎落黎玩喎…

 

我答佢, 如果星期六日都乖乖地就拎比佢玩啦…

 

但佢仍然不停問…

 

想盡辦法…

 

又帶一隻小羊入黎, 同我講, 隻小羊好想同上面隻羊羊玩, 仲話小羊喊…

 

咁都得????

 

終於, 我响星期一朝早就將呢份禮物放左响梳化度比佢…

 

係公仔黎架, 唔係羊羊呀…

婆婆生忌

7/21

 

好抱歉, 因為我掛住傾電話, 遲左出門口, 所以大家只可以求其食越南野, 冇飲茶…

 

去到歌連臣角3:00, 因為打風, 真係一滴風都冇, 我從未試過出咁多汗, 淨係企响度都濕哂, 肥妹D頭髮會滴汗出黎, 好似洗完頭咁, 好攪笑…

 

好抱歉, 婆婆, 我地陪唔到你咁耐, 因為再企就會中暑0刺…
好乖0既妹妹, 一句怨信都冇, 錫哂你呀!

 

去北角阿佳屋企, HEA一陣, 再去東寶店小二食飯…

 

途中見到雙彩虹呀…

 

 

啤啤佢...

沙嗲軒

7/10

今晚老公突然黎搵我食飯, 我地去左公司對面0既沙嗲軒, 好味道呀!

來來雞煲

7/7

 

今日原本得我地兩母女响屋企, 起身我地早餐食完莎莉旦糕後, 隔一陣又再整火腿炒旦芝士通粉比妹妹食…

 

不過… 妹妹等唔切D通粉就食哂D火腿炒旦, 仲飽左添, 攪到我要自己一個食齋芝士通粉囉…

 

媽咪跟住就嬲爆爆咁上左黎, 原來佢等車去石硤尾等左一個鐘都未有車, 佢決定唔去0刺, 上黎同妹妹玩好過呀…

 

我地又叫左MCDONALD下午茶, 焦糖布丁麥旋風又幾好味喎…

 

睇左一陣電影媽咪就訓左, 隔左一陣就到BB同小穎上黎…

 

再搵埋爸爸去來來雞煲… 目的係叫埋爸爸聽日去BB 0既浸禮…

 

不過等得爸爸黎, D雞己經鞋左0刺…

呢張相係妹妹幫公公影的, 自從搬到紅磡之後, 都多左機會同爸爸食飯, 好開心...

ROBOT

7/7

妹妹畫的ROBOT.

好興奮...

7/2
今朝妹妹一醒就同我講:"尋日去太空館我真係好開心!!"

開心? 其實我唔覺得, 不過可能妹妹同爸爸媽媽又有左D新0既經驗, 覺得好開心吧...

做做家務, 整下野食, 時間真係好快過...

等埋爸爸放工去黃埔啦, 又係黃埔, HEHE

食完晚餐, 去夢幻樂園玩一陣, 妹妹唔小心被地上0既電線CLICK到, 個頭撞左落D機度, 嘩, 鐵黎架, 嚇死我地呀!!! 好彩妹妹好快就唔喊, 仲話要玩添...

掉彩虹得到POCKY做奬品, 妹妹好開心呀, 一路食一路超興奮...

行百佳廣場, 妹妹繼續好興奮喎... 後來仲要自己推車仔, 好危險, 成日差D撞到野...

返到屋企, 妹妹仲KEEP住興奮0既狀態, 佢係咪撞親個腦呢?????

興奮一: 妹妹攬住條攬枕, 扮槍不停嗌"蕉蕉蕉", 越"蕉"越興奮, 越黎越大聲, 嘈左好耐, 仲叫我一齊蕉....

興奮二: 响間屋度不停周圍走, 一路笑一路走, 真係好似撞到傻左呀.... 佢跑到跌親, 我啤住佢, 佢仲走埋一臉疑惑咁0既樣問我:"媽媽你做咩咁0既樣呀??" 吹唔吹漲?

興奮三: 嫲嫲比佢粒TIC TAC糖佢食, 佢就不停唱:"我是個的粒糖! 我是個的粒糖!!", 哎呀, 你咩事呀???

好似好好笑, 但其實我頭都痛埋, 我真係覺得好恐佈呀~~

生日飯@老坑

7/1

夜晚去左老坑同鋒, WINNIE同阿耀慶祝生日...

D野都仲係好好味, 我地仲飲左好多啤酒, 埋單每人三百幾, 好抵!!

晴晴姐姐同妹妹一齊玩, 好FD喎...

太空館

7/1

不經不覺, 香港已經回歸15年, 回歸除左帶比我地有一日假期外, 似乎並無其他好處...

呢一日, 我地好忙碌...

一早起身, 嫲嫲同妹妹講約左姑姐同契姑姐飲茶, 契姑姐係姑姐0既好朋友, 呢餐茶原來係契姑姐請的, 真不好意思, 我地兩公婆痴左餐...

返屋企食埋尋日淨返0既木糠布甸, 契姑姐一個人食左3杯, 佢話好好味, HEHEHEHE...

起程去太空館, 妹妹好開心, 我地响車度已經指比佢睇個半圓形, 佢未行到去時係咁話好開心, 好緊張, 仲問我地係咪都好緊張, 小朋友真可愛!

真估唔到喎, 太空館D片一做就做幾個月, 我地揀0既"天生愛自由"到而家都可以滿座, 我地12點幾去到, 竟然所有後座都已經滿座...

唯有買定5點0既票, 然後先入去睇下其他野啦...

對於我0既講, 太空館真係好悶...

呢張相影到好似幾十年前咁...

妹妹咁細個只可以玩到呢個扮滑翔機, 但對手都係唔夠長, 爸爸又唔識控制, 妹妹似乎體驗唔多D咩喎...

 行完一個圈都已經2點, 先去DELI AND WINE食LUNCH


妹妹亂影一通...

再去YO MAMA食YOGURT...

 4點幾, 係時候返太空館睇電影0刺...

個螢幕好大呀, 不過有D眼花, 睇下睇下我同爸爸都訓著左, 又幾好訓喎...

而妹妹, 都係冇乜心機睇, 成日擰黎擰去, 又問走得未... 哈哈...