聖誕舞會

今日係妹妹期待左好耐0既聖誕舞會, 我同爸爸都特登早放, 去學校接妹妹放學同幫佢換衫化粧...

天氣好凍, 不能不加件外套呀!

舞會向金巴倫道YORK校舍舉行, 開始時有老師表演, 然後家長加入一齊跳, 我地都係一份子..

終於到LKA PM表演0刺, 好緊張呀!  佢地真係識跳架! 好叻!

之後大家再跳唔同0既舞, 佢地短　一個月時間就學識咁多舞, 真利害!

完場可以拎POPCORN食...

串串燒

12/10

今日係阿佳生日, 但我就同左BB食飯...

响紅磡0既一間串燒店, 叫左意粉(奇怪呢?), 同幾串串燒... 不過冇影相...

傾下BB結婚0既野, 食到10點幾, 我幾時都係最鍾意同自己屋企人一齊...

廣福公園

12/9

應承左妹妹今日去廣福公園玩, HEA下HEA下去到己經入黑, 大埔天氣真係比市區凍D, 好唔適應囉, 哈哈...

玩左一陣搭返車去旺角食飯, 睇左陣狗仔金魚就返屋企0刺...

奶奶生日飯@泰豐樓

12/1

泰豐樓呢度特色係有個長炭爐打邊爐, 好得意...
 

醬料勁多選揀, 咩都有...

味道算OK啦, 平野黎講算係咁, 我地又叫餸又打邊爐, 一次過滿足兩個願望...

京燒羊肉同糖醋魚塊都好好味...

不過始終係老牌食肆, 侍應同顧客都係年紀大居多, 服務亦好一般...

拉丁舞裙

12/1

因為要去睇拉丁舞裙, 所以約左媽咪同阿佳去銅鑼灣飲茶, 媽咪好鍾意新斗記0既乳豬呀...

阿華尋日借左幾條跳舞裙比我, 真好人, 今日比妹妹試左一條, 好靚呀, 但個個都覺得太芭蕾舞....

 

 

飲完茶去到永福, 有D失望, 雖然平好多, 一條裙都係$280, 但D款就一D都唔靚, 最終我都係返時代文化買左, 平左$20, $460著一次....

BB就黎結婚, 佢地仲未執好屋, 媽咪今日就叫埋我地去幫手, 多幾個人幫應該會好D0既, 連妹妹都好落力 (雖然幫唔到D咩..)

攪到6點幾, 媽咪幫我地攞D野返屋企, 因為佢地決定將個按摩墊放响我屋企用, 我地可以抖抖再出去同奶奶慶祝生日...

返到屋企, 妹妹又要著多次條裙...

大手+小手

12/1

媽媽手 + 妹妹手

為BB結婚準備 - 修眉

11/29

開始要為BB結婚準備下, 今日去左SHISEIDO修眉, 好鍾意今次條眉喎, 唔知KEEP到幾耐呢?

 

 

買左呢支掃, 用掃上果然係貼好多, 工具真係好重要...

修完眉, 响銅鑼灣0既時代文化睇左D拉丁舞裙, 嘩, 好貴呀, 成$480一條, 著一次真係唔捨得喎, 再去永福睇但佢地己經關門, 唯有聽日再黎啦...

11月的大閘蟹

11/21

今日上海新大眾打黎, 話有D好靚又爆膏0既大閘蟹返左, 話幫我留, 不過... 而家11月0刺喎, 仲食大閘蟹??

原本唔想留, 但又為食喎, 最後都叫左佢預留比我...

都嘔哂泡喎, 似係幾OK!

雖然唔算爆膏, 但D膏好香, 好好味, 尚算滿意!

興奮! 要表演跳舞

11/18

今日星期五學校通告話12/11會舉行聖誕舞會, 小朋友會表演跳CHA CHA, 會著得靚靚, 仲會化粧添...

妹妹好興奮, 呢兩日講左十次都有, 成日提我要簽通告, 好彩係12/11咋, 如果同細古古婚禮撞期, 我真係唔知點算好囉...

蘭桂芳嘉年華

11/18

TRU响蘭桂芳開左個嘉年華, 我提議今日去...

原本妹妹話唔去, 要去科學館, 但科學館幾時都有得去, 嘉年華就唔係日日有喎...

比埋D相妹妹睇, 妹妹即刻轉軚啦, 妹妹性格就係咁, 樣樣都要比實質野佢睇到先會信...

去到蘭桂芳, 原來唔單止係TRU0既嘉年華, 主要係蘭桂芳嘉年華喎...

好多人, 好熱鬧, 好開心咁喎!!

排隊攞氣球, 又買啤酒, 炸魚, 好開心...

有巴西女郎熱舞, 好有氣氛呀...



仲有FACE PAINTING, 捐錢就可以畫...

好0刺, 行完先去TRU嗰邊, 反而覺得呢邊冇乜野睇喎...

行哂都係6點, 我地去左對面一風堂食晚餐, 爸爸依然覺得唔係太好味, 但我又依然覺得都OK...

跟住去左好味道0既HOLLY BROWN, 妹妹0既藍色雲呢拿雪糕...

呢個係我0既, 正常朱古力...

賣旗日

11/17

今日唔駛返英文班, 我地9點幾起身去賣旗...

原本响屋企樓下恒生銀行賣得好好地, 我怕媽咪黎幫襯行得遠, 諗住一路向媽咪屋企方向邊行邊賣, 點知沿路都好多人賣旗呀, 之後我地就冇乜生意0刺...

反正冇生意, 等到最後一個善長人翁(媽咪)黎到我地就搭車去九龍城交旗袋...

响九龍城見到有間雀仔舖, 妹妹見到有D鸚鵡仔好得意, 一路行一路扭要買一隻, 嘩, 養鸚鵡呢個咁重大0既決定一定要返屋企問清楚所有家庭成員先可以作決定架...

後來又响寵物店睇貓, 呢次到我好想買返隻貓仔0刺, 唔知幾時開始, 多左鍾意貓, 好想養一隻, 不過妹妹氣管唔好, 應該唔可以養架0刺...

約左阿佳, BB同小穎飲茶, 我地响譚點等到3點幾先有位, 餓死左....

食完野再去SMILE買YOGURT, 好好味, 杯杯都好靚, 不過好大杯, 兩個人食一杯就差唔多...

 

KITCHEN J

11/14

今晚去左黃埔美食坊0既KITCHEN J食, 佢係和民0既西式日本菜, 幾好味, 我地响美食坊度諗左好耐, 好彩最終冇決定錯...

妹妹有雪糕食, 好開心!

媽咪&BB生日飯@老船長

11/10

原本媽咪應該下晝去我屋企的, 但送完朋友機之後, 佢攰得好緊要, 返左屋企休息…

妹妹知道婆婆因為唔多舒服唔黎, 就話佢可以上我地屋企休息, 今晚仲可以响度沖涼訓覺呀…   後來話返比媽咪聽佢好開心呀…

今晩慶祝媽咪同BB生日, BOOK左老船長東南亞餐廳.

唔知係咪地方隔涉, 星期六晚都唔FULL, 尖沙咀區都好少可喎…

ZOE肚痛, 李智恆又未放工, 我地五個人加一個小朋友, 叫左9樣野食, 好誇張呀, 會唔會食唔哂架??

不過原來D野都幾細碟, 我地當晚岩岩好…