Reenex CPS第一次

尋日放工去左Reenex做左第一次CPS療程，我太多野做趕唔切走，遲到左20分鐘，真不好意思····

影左相先做treatment，但佢唔俾張相我睇返，話響相機睇得唔清楚，同埋都未做treatment，睇都冇用，佢地會唔會做手腳架？

做treatment連敷mask大約45分鐘，噴中和液時我仍然好似浸親咁，好緊張，好惹笑···

做完基本上唔駛再做facial，只要搽野搽得岩, 勤D敷MASK就OK, 可以去做FACIAL, 但唔好針清, 因為CPS己經可以溶解D黑頭粉刺, 針清仲更加令毛孔擴大, 污糟野好快又積聚返....

美容師話我D皮膚偏乾, 唔夠油, 要搽D比較滋潤0既SKIN CARE, 佢話搵次我可以睇下佢地D PRODUCT, 嘩, 肯定好貴啦, 我一定盡量避!!

做FACIAL時除鞋, 先發現對鞋個底爛左, 仲要好嚴重0個隻, 好驚呀! 會唔會行行下斷左架? 好彩隔離有i.t.(我第一次素顏行i.t., 幾驚撞到熟人..), 我買左兩對鞋, 不過好後悔呀, 我覺得我買錯左呀, 應該買三對先岩, 第三對有7折呀!!!!

心裡的說話: 媽媽, 我知錯0刺.....

今日不停落雨, 我地冇去街, 決定响屋企休息下....

下晝妹妹响嫲嫲房訓晏覺, 我同爸爸响房訓, 後來嫲嫲要出街, 將妹妹抱左過黎訓, 咁好啦, 我起身比你地兩父女溫馨下啦!!

當妹妹起身時, 發現隔離0個個唔係嫲嫲, 即時喊, 仲發脾氣添... 我話比佢知嫲嫲去左街, 佢即刻走去門口大嗌, 好激動, 好嬲, 好唔開心, 我地掂下都唔得, 都唔知攪乜....

無論我地攞力力, 攞糖糖出黎, 妹妹都唔理, 淨係訓响地下喊.... 我地試下開BARNEY睇, 佢想睇, 但佢又要喊, 裝下喊下咁, 好似唔太work咋喎.... 最後原來係play along 2呢隻碟攪掂左佢, 我地三個好低b地一齊唱"I'm running, look at me, I'm running....."一面周屋跑, 終於妹妹好開心, 再唔記得喊0刺....

夜晚妹妹趁我地冇留意佢, 將一個柜入面0既野倒哂落地下, 再將入面包抺手紙全部抆哂出黎, 好嚴重, 於是我同爸爸一齊執, 我走埋去執時, 妹妹竟然打我, 大胆! 媽媽都敢打? 於是我打左佢隻手一下, 佢竟然還手添(雖然係笑住, 但都唔岩呀!), 今次我打佢兩下手仔, 哈! 佢呢個野真係唔怕痛喎, 再還手, 今次我打完佢兩下就即刻的起佢上梳化坐, 唔睬佢, 同爸爸繼續執野, 佢應該知道自己唔岩, 走返落黎幫手執, 我同爸爸只敢偷偷地講同偷笑, 仲講定唔睬佢一陣間, 等佢知衰..... 佢有過黎掂我地, 爸爸話左佢兩句, 我就當佢透明..... 到後來KFC外賣黎左, 爸爸攞葡撻比佢食, 佢竟然攞黎比我食(真的未試過, 得一個都比我喎...), 算你啦, 識得氹返媽媽, 之後成晚都好乖呀!!

P.S. 今晚見到妹妹自己用匙羮筆野食有進步, 好感動, 好開心呀!!!!

增肥日....

今日全日响屋企渡過, 冇乜消耗過卡路里, 但食0既野就5日都消耗唔哂囉.....

早餐 - MCDONALD HOTCAKE+豬柳+橙汁

下午茶 - 雀巢朱古力甜筒 + 大家樂炸雞亦 + 脆皮腸 + 凍檸水

晚餐 - 妹妹食淨蕃茄魚粥一碗 + KFC檸辣脆雞一件 + 粟米

好恐佈, 我決定呢個星期要食少D!!!!

一個普通的星期六

原本尋日要返工的, 因為issac仲0係香港(都唔明白他响香港關我們咩事??), 但因為嫲嫲要去醫院覆診, 所以我唯有take半晝annual leave, 除左我, dick同evangel都請假, 淨返佢地一定好靜侷....

原本綺玲同思契契計劃打完羽毛球黎探妹妹, 但綺玲契契表姐家有事, 綺玲要幫忙湊女, 思契契都放了左飛機....

我同妹妹好好訓, 十一點先起身, 時間關係我只煮南瓜肉碎烏冬比妹妹做午餐, 妹妹只見到煲烏冬, 問我魚魚呢, OH... 真SORRY, 今餐冇魚魚呀...

直至差不多出門口去元朗太婆家, 嫲嫲先返黎, 妹妹好開心地同嫲嫲BYE BYE....

上左K18, 妹妹認錯人, 見到樓梯口有個女人短頭髮, 以為係嫲嫲, 於是就開始喊0刺, 不停話要"0個個", 我知道, 她想返去搵"嫲嫲", 但0個個女人唔係嫲嫲喎!!!!

車到左火車站, 邊行邊喊, 一定要返轉頭, 不停喊"嫲嫲", 不如去買"力力"吖? 不如去買MCDONALD吖? 答案都係"0個邊呀! 嫲嫲!", 唉, 玩死, 好似拐帶兒童咁, 都話0個個唔係嫲嫲咯......

我唯有一路抱佢行返轉頭, 一面諗辦法, 到左K18車站, 0個度有條電梯上去新達廣場, 我扮行0個度去搵嫲嫲, 同佢行下行下去左精品店, 佢一見到KITTY同MICKEY, 咩嫲嫲都唔記得LU.....

最後買張MICKEY貼紙, 路經MCDONALD買包細薯條, 成個旅程先平安無事.....

去到太婆家樓下0既文具舖, 妹妹好勁呀, 玩左兩鋪彈PING PONG波, 兩鋪都中獎, 好叻女呀!! 中左一張公仔咭同一張GEM海報!!

你曳, 但你依然好可愛!

尋晚要OT, 爸爸過黎同我食左DINNER再搭的士返屋企, 我地食左Sora ti.te.mo Café, 好抵, $11x蚊有好多野食, 飽到食唔哂添, 仲有我最喜愛0既木糠布甸, 爸爸比哂兩個我食, 雖然增左肥, 但超開心!!!  (後果係今朝條衭都差d著唔到, 駛唔駛肥得咁快呀???)

 

返到屋企門口聽到有位小妹妹响度喊, 原來爺爺諗住帶佢落去行下, 嫲嫲幫佢著對dr. kong鞋, 但佢唔肯, 堅持要著對頂指0既舊公雞, 但呢對著住行會痛痛架! 當然佢唔會理啦, 仲喊得好淒涼添…. 因為樓下看更姨姨個孫出左世, 我地拎d玩具比佢, 嫲嫲話將兩對頂指鞋都比埋佢(…….), 拎埋對舊粉紅色new balance出黎, 妹妹一見到, 即刻轉軚要呢對 (哈, 呢條麻煩友吖!), 大姐, 己經係十點幾0刺, 究竟你落唔落去呢??? 我都唔想再糾纏, 於是決定比佢唔著襪, 咁就唔頂指啦!!

 

因為尋日妹妹冇訓晏覺, ,所以十一點幾飲完奶就訓左0刺….. 我同爸爸可以專心攪埋勞工處d文件, 真係好攰呀, 响公司又ot, 返到屋企又ot, 到一點幾, 寫住字0既我都可以訓著左, 唔得0刺爸爸, 對唔住, 我真係頂唔住要訓0刺…..

 

大家訓到兩點幾, 妹妹突然喊住要搵嫲嫲, 最終佢地一齊訓….. 到我醒時, 妹妹又醒左, 佢要飲奶奶, 嫲嫲要沖奶, 將佢放响床度, 可能佢訓唔夠, 响度發脾氣, 我走埋去諗住安慰下佢啦, 佢居然用對腳狂踢我, 尋日佢己經係咁樣對嫲嫲, 嫲嫲忍唔住打佢pat pat (打得好!!), 今次我惡惡地話左佢一句, 好彩佢不嬲都驚驚地我, 見我唔like即刻停.... 後來見佢飲完奶, 幫下佢拎開個奶樽啦(其實我仲有少少嬲), 佢今次好有禮貌地講左句"thank you!", 哈! 成個人都甜哂, 媽媽真容易滿足....

 

SET左PROGRAM的妹妹

妹妹呢幾個月黎都好似set左program咁......

星期一至五: 痴住嫲嫲, 少痴媽媽....

星期六至日or媽媽放假: 痴住媽媽, 嫲嫲同爸爸掂下都唔得, 甚至要趕佢地出房, 山埋房門.... (嫲嫲同爸爸會好嬲架..)

出到街: 痴住爸爸... (好呀, 咁我地就唔駛抱得咁辛苦啦!!!)

呢幾晚仲set多左一樣野: 媽媽吹頭時就要扭媽媽停低去同佢睇noddy書, 真係比佢吹漲!!

沙田shopping

日爸爸好早放工, 所以相約沙田shop個ping....先去euro go go醫肚, 小肥妹响屋企食完粥仲可以一個人食大半塊pizza呀, 勁!!!!!

食完再食左兩啖蒜蓉包, 然後就話飽飽, 連佢自己都話飽, 我諗真係好飽!!
諗住去Snoopy Land玩下sir sir, 點知天公不做美, sir sir close左, 妹妹唯有同sir sir講bye bye.... 我地向一田方向進發.....
一田樓下有好多panda世界盃公仔, 妹妹支持阿根廷!!!

真架, 呢個background係佢自己揀, 都係阿根廷....

跟住我地行左cotton candy, shoe box, 兩間都有收穫!! 路經一間賣衫0既, 入面有小朋友玩緊車車, 妹妹又想玩, 於是走入去同人揮手扮friend....

最終人地就行開左比佢玩, 但後尾再拖馬搵多一個小朋友黎搶返... 咁我地唯有走啦......
跟住我地就去世界上最開心0既地方 - 玩具反斗城, 爸爸搵左個大pooh pooh比妹妹玩, 但為免妹妹將pooh pooh响地下度拖住行, 爸爸唯有抱住妹妹, 妹妹又抱住pooh pooh.....

玩完之後, 諗住同妹妹入去spaghetti 360度食意粉啦, 點知.... 妹妹一坐低即刻訓著左, 唉, 咁早知就唔食呢間啦, 玩野.....

之後仲要去隔離買個烏冬返屋企比佢食, 費時餓親佢.....

有樣學樣

尋晚返到屋企嫲嫲話妹妹今日好麻煩....

1. 見到狗狗玩具坐左响梳化頂, 妹妹又要有樣學樣, 爬唔到上去就狂喊, 哈!

2. 悶得滯, 指住架bb車叫嫲嫲去"買魚魚"喎!

臨訓前, 妹妹按例企响床邊同我睇書書, 爸爸入黎想向妹妹攞個goodnight kiss, 點知妹妹推爸爸走, 仲話要"山門", 爸爸好hurt啊.... 睇睇下, 爸爸又入黎想攞張被, 今次妹妹冇拎轉頭望, 只係聽到聲就話要"山門", 呢下仲hurt啊!!

多多事實的妹妹

今日妹妹好多多事實!!

今日下晝約左zoe家長出黎飲茶見下面, 媽咪叫埋我去, 因為冇人睇住妹妹, 所以我唯有帶埋佢去, 好彩都唔算有阻住傾計啫.....

去到酒樓我地點左妹妹最鍾意食牛肉同燒賣, 野食未黎之前, 又未有bb椅, 妹妹有少少扭眼訓, 吱都唔笑, 後來有bb椅又有野食, 佢就精神哂, 古古話佢隻眼都大左呀!!

妹妹食飽飽就開始想離開坐位0刺, 費時佢扭計阻住傾計, 我今次好順攤咁帶左妹妹出去睇魚魚, 回程路經一道紅色0既牆, 下面有條野凸左出黎, 我比妹妹坐上去, 點知佢話要影相, 吓?? 無端端要响呢度影相0既? 同埋佢係第一次有咁0既要求, 我覺得好好笑呀!!  同佢行返返去攞相機, 跟住我懶懶地諗住就咁响個位度影, 不過妹妹唔掣, 一定要去返0個道牆影....

道牆又真係好似幾ＯＫ喎, 哈哈....

返埋位, 一陣又指出個窗出面話要去sir sir(sir滑梯), 一陣又話要去換片片, 目的都係想我同佢出去(嘩! 乜咁古惑呀!).... 算啦, 大家都食到咁上下, 我做多次好人, 同左佢出去行下, 入左seven妹妹好好眼地發現左本minnie貼紙畫冊, 又有禮物0刺!!!
下晝魚旦舅父黎左, 妹妹拎左barney出黎同佢玩, 點知原來同魚旦舅父可以玩得好開心架喎! 妹妹即刻入房攞埋其他公仔出黎!!!

夜晚大家去左附近茶餐廳叫小菜食, 妹妹主要都係蒸水旦啦, 不過正在長大中0既妹妹開始知道咩係好野, 一見到碟椒鹽九肚魚不停指住話要"呢個"!!!

好掛住李小豬

好掛住李小豬呀!!!! 好掛住佢尋晚瘋狂0既舞姿, 哈哈, 好好睇!!!!! 又掛住好多公仔圍住佢, 佢逐隻公仔拍下, 攬下0既樣.... 好想快d返去搵佢呀!!!

古惑妹

妹妹就黎21個月0刺, 呢排大個左好多, 叻左好多, 亦古惑左好多....

 

呢排佢明白到夜晚响張床度就會比我逼佢訓覺, 所以每次飲完奶都會極速同我拜拜跟住落床, 開左支床頭燈企响床邊叫我起身同佢玩, 佢寧願企响度好耐都唔上床, 一比佢發現我想佢訓佢就會走去搵嫲嫲, 發現嫲嫲氹佢訓佢又再一次出走, 如是者等到冇哂電先訓, 咁通常佢一去搵嫲嫲我就會即刻熄燈自己訓, 佢返黎搵我先算啦....

 

尋晚我用左一個方法氹左佢訓覺, 之前呢個方法冇用, 希望跟住佢都會落搭啦!!  我求其攞左兩個公仔放响我隔離, 同妹妹講佢地好眼訓, 我同佢地一齊訓, 我留返一個位比妹妹, 跟住妹妹示意叫我攞大barney, 於是我將大barney放响我隔離, 妹妹即刻好開心咁爬上床, 我比左支水佢叫佢自己飲(因為佢大個女), 我就用一個空樽餵barney, 隔左一陣佢就訓著左0刺......

 

今朝仲比爸爸得戚左, 話佢買個barney係有用, 可能妹妹到廿歲都仲攬緊喎....

劉班尼

尋晚妹妹唔肯訓覺, 呢入黎房同我玩, 玩玩下好眼訓, 就同左我地一齊訓, 三個人訓得好辛苦, 又怕整親妹妹, 半夜我忍唔住趕走左爸爸, 哈哈!!!

今日好唔舒服, 妹妹又唔比我戴口罩, 所以我都係決定唔返playgroup, 費時將d病菌傳比d小朋友啦....

無無聊聊咁, 諗住幫妹妹同响一個星期內擁有0既兩隻姓劉0既barney影下相, 但妹妹堅持要同埋佢最心愛0既pooh pooh一齊影.

跟住再無聊d, 不如攞哂妹妹d公仔出黎影下相啦, 不過好似走失左幾隻咁, 究竟去左邊度呢??

Reenex CPS Treatment

尋晚去左Reenex度試做CPS Treatment, 我好buy醫學美容, 因為好快見效....

 

Reenex係Dermes0既姊妹公司, Dermes做脫毛, Reenex做美容..... 因為有幫襯過Dermes, 覺得佢地質素同服務都超好, 所以Reenex打黎我就預約左去試做0刺...

 

我準時6:30去到, 登記完, 飲左杯菊花蜜(正喉嚨痛, 岩哂呀!!!)....

 

治療師帶左我入房, 講解左兩樣唔同0既treatment, 一係cps treatment 更生活膚療程(果酸), 針對減少角質層同埋更生細胞, 可以均勻膚色, 減少細紋, 暗瘡, 黑頭粉刺等等.... 另一個係Aramis laser, 可以收細毛孔同改善皺紋等等... 治療師建議我試cps, 佢話D客通常都係做左cps先, cps亦係佢地個三部曲裡面0既第一部...佢話我如果做呢個treatment, 應該可以白返兩度(咁神奇?), 佢話我其實唔係咁黑, 因為條頸都唔算黑 (係呀係呀!!!)....

 

跟住佢比我d客人0既相我睇, 嘩, d效果又真係好驚人架喎....

 

做treatment0既過程好快, 首先佢幫我搽左一層野用黎test下我d皮膚係咪適合做cps, test完就幫我搽d果酸上面, 原來果酸都有好多唔同度數, 佢話我唔需要用高度數, 同埋試做通常都會教到最低, 搽完果酸塊面會有少少痕同少少吉, 係正常0既.... 一搽完3分鐘就用中和液沖面, 因為果酸唔可以停留响皮膚度咁耐, 最多3分鐘.... 沖面0既過程唔係太好受, 唔知係咪唔慣呢, 我成日好似遇溺咁, 我諗都幾好笑..... 之後佢問我塊面仲有冇痕或者吉, 有0既地方佢會沖多次, 確保d果酸被沖走哂....

 

跟住搽返面, 咁就試做完0刺....哈...快到呢....

 

原本個treatment包埋一個勁mask0既, 但我試做就冇跟.... 不過呢, 做完d皮膚又好似真係柔軟左喎....

 

我見治療師成塊面都一樣色, 好靚, 真的好羡慕, 佢話佢有搽少少粉, 但d粉係貼到完全睇唔出架, 我覺得好正呀...

 

最重要0既時刻到0刺, 就係sell我0刺, 其實我係一d都冇抗拒架, 因為我都幾鍾意佢地d service同quality (dermes), 幾百蚊做一次都負担得起, 同埋期間都唔需要再做facial (不過我條眉點算呢???), 所以好快就決定左0刺, 不過我冇要到佢地話好正0個個mask, 只跟個biotherm mask, 咁就平返d....

 

佢話4-5次就會見到效果, 好期待唔駛搽粉落街0既日子呀....